سەريال IQanat رەسپۋبليكالىق وليمپياداسىندا جەڭىسكە جەتكەننەن كەيىن تاعدىرى وزگەرگەن وقۋشى ايبول جايلى بولادى. سەريالدىڭ اتاۋى - «IQanat OFF-Line».
پروديۋسەرلەر بارلىق كورەرمەنگە فرانشيزا باستاۋ العان تۇپنۇسقا فيلمدەردەگى جارقىن سەزىمدەردى سىيلاۋدى ۋادە ەتەدى – رياسىز كۇلكى, وتباسى بولىپ تاماشالاۋدىڭ ءلاززاتى, سونداي-اق جاسوسپىرىمدەر ءبارى بىردەي باستان كەشەتىن ۇقساس قۋانىشتار مەن قيىندىقتار.
جوبانىڭ رەجيسسەرى - «ايمان مەن شولپان», «اڭشى بالا», «كوزىمە قارا», «جاڭعاق اعاشى» تۋىندىلارىمەن تانىمال, پۋسان كينوفەستيۆالىنىڭ باس جۇلدەسىن العان ەرلان نۇرمۇحامبەتوۆ.
سەريالدىڭ باس پروديۋسەرى - IQanat جوباسىنىڭ قامقورشىسى ەرنار قۇرماشەۆ. تەلەحيكايانىڭ پرەمەراسى, وتاندىق تەلەارنالاردىڭ بىرىندە, 2024 جىلدىڭ قىركۇيەگىنە جوسپارلانعان.
سەريالدىڭ باس پروديۋسەرى - IQanat جوباسىنىڭ قامقورشىسى ەرنار قۇرماشەۆ:
«سەريال ارقىلى قالىڭ كورەرمەن اۋىل وقۋشىلارىنىڭ تاعدىرىن وزگەرتە الاتىن IQanat بىرەگەي جوباسىمەن جاقسىراق تانىسقانىن قالايمىن. اۋىل وقۋشىلارى مەن قالا وقۋشىلارى اراسىنداعى باستاپقىدا بەرىلەتىن مۇمكىندىكتەر تەڭ ەمەس ەكەنىن بارشامىز بىلەمىز. كوبىنەسە اۋىل وقۋشىلارىن ءسال دەمەپ جىبەرىپ, ولاردىڭ بويىنا وزدەرىنە سەنىم ۇيالاتۋ كەرەك. IQanat - قازاقستاندىق كاسىپكەرلەردىڭ جوباسى. بۇل ەلىمىزدىڭ اۋىل وقۋشىلارىنا قولداۋ كورسەتۋ, ولارعا ءبىلىم بەرۋدە جاڭا مۇمكىندىكتەرگە جول اشۋ سياقتى ورتاق ءبىر مۇراتقا بىرىككەن نيەتتەستەردىڭ ۇلكەن جانە بەرىك ەلدىك كۇشى. مەن دە ولاردىڭ قاتارىنا قوسىلىپ, سەريال يدەياسىن ۇسىندىم. سەبەبى بارىنشا كوپ اۋىل بالالارى, ولاردىڭ وتباسىلارى وسىنداي ماڭىزدى جوبا تۋرالى بىلۋگە ءتيىس».
تەلەحيكايانىڭ پرەمەراسى, وتاندىق تەلەارنالاردىڭ بىرىندە, 2024 جىلدىڭ قىركۇيەگىنە جوسپارلانعان.
ەسكە سالا كەتسەك, IQanat – ءبىلىم بەرۋدەگى تەڭسىزدىكپەن كۇرەسۋ يدەياسى توڭىرەگىندە بىرىككەن 150-دەن استام قازاقستاندىق كاسىپكەر قولداۋ كورسەتەتىن الەۋمەتتىك جانە ءبىلىم بەرۋ جوباسى. IQanat باعدارلامالارى 55 مىڭنان استام اۋىل بالاسىن قامتىپ ۇلگەرسە, ولاردىڭ 70-80%-ى كوپبالالى جانە تولىق ەمەس وتباسىلاردان شىققان. وسىنىڭ ارقاسىندا بالالاردىڭ 90%-عا دەيىنى قازاقستاننىڭ جانە شەتەلدىڭ ۇزدىك ۋنيۆەرسيتەتتەرىنە گرانت ارقىلى ءتۇستى. قازىرگى تاڭدا جوبا تۇلەكتەرى الەمنىڭ 15 ەلىندە ءبىلىم الۋدا.
