فوتو: polisia.kz
ونىڭ ىشىندە, كامەلەتكە تولماعانداردى زاڭسىز ارەكەتكە تارتقان 9 دەرەك بار.
ادامدار «ترافيگىمەن» اينالىسقان كۇدىكتىلەرگە قاتىستى ۇيىمداسقان قىلمىستىق توپ قۇرۋ جانە وعان باسشىلىق ەتۋ دەرەكتەرى بويىنشا ءۇش سوتقا دەيىنگى تەرگەپ-تەكسەرۋ باستالدى.
«مىسالى, استانا قالاسىندا توعىز «ەليتالىق» مونشا كەشەنىنىڭ اۋماعىندا جاس قىزداردى سەكسۋالدىق قاناۋعا تارتۋ جانە ماجبۇرلەۋ بويىنشا قىلمىستىق جۇيەنى جولعا قويعان 17 ادامنان تۇراتىن توپتىڭ قىلمىستىق ارەكەتىنىڭ جولى كەسىلدى. 30-دان استام ءتىنتۋ ءىس-شاراسى وتكىزىلىپ, اقشا جانە التى اۆتوكولىك تاركىلەندى. نەگىزگى فيگۋرانتتار قاماۋعا الىندى.
شىمكەنت قالاسىندا وسىعان ۇقساس ۇيىمداسقان قىلمىستىق توپ اشكەرەلەندى. مۇندا جالپى سوماسى 1 ملن تەڭگە جانە 16 مىڭ اقش دوللارىنان استام قاراجات, 10 اۆتوكولىك تاركىلەندى. توپ جەتەكشىلەرى مەن مۇشەلەرى قاماۋعا الىندى.
پەتروپاۆل قالاسىندا 2023 جىلدان باستاپ زورلىق-زومبىلىق پەن بوپسالاۋ ارقىلى جاس قىزداردى جىنىستىق قاناۋعا ماجبۇرلەپ كەلگەن قىلمىستىق توپ ارەكەت ەتكەن. ۇيىمداسقان قىلمىستىق توپ قۇرۋ, باسقارۋ جانە وعان قاتىسۋ دەرەگى بويىنشا قىلمىستىق ءىس تەرگەلۋدە», دەدى ءىىم ۇيىمداسقان قىلمىسقا قارسى كۇرەس دەپارتامەنتىنىڭ وكىلى قۋاندىق الپىس.
سونىمەن قاتار بىرنەشە وڭىردە مۇمكىندىگى شەكتەۋلى جانداردى قايىر سۇراۋعا ماجبۇرلەگەن قىلمىستىق توپتار ۇستالدى. ولار وسى زاڭسىز ءىسى ارقىلى جىلىنا 10 ملن تەڭگە پايداعا كەنەلگەن.
«قاراعاندى قالاسىندا مۇمكىندىگى شەكتەۋلى ادامدارعا قوقان-لوققى جانە كۇش كورسەتىپ, ولاردى قايىر سۇراۋعا ماجبۇرلەپ, «بيزنەس» ۇيىمداستىرعان ادامدار توبى ۇستالدى.
وسىعان ۇقساس قىلمىستىق توپتاردىڭ ارەكەتتەرى اقتوبە, الماتى جانە ماڭعىستاۋ وبلىستارىنىڭ اۋماعىندا اشكەرەلەندى. وندا مۇگەدەكتەر مەن جاس بالالاردى بازارلار مەن ۆوكزالدار اۋماعىندا پايدالانعان. بارلىق قىلمىسكەرلەر ۇستالدى», دەدى قۋاندىق الپىس.
قۇزىرلى ورگان وسى باعىتتا جۇمىستار ءالى دە جالعاساتىنىن جەتكىزدى.
