فوتو: وقۋ-اعارتۋ مينيسترلىگى
مەكتەپكە دەيىنگى ۇيىمداردىڭ رەنوۆاتسياسى بالالاردى تاربيەلەۋ مەن وقىتۋ جاعدايىن جاقسارتۋعا باعىتتالعان. وتكەن جىلى 198 نىسانعا كۇردەلى جوندەۋ جۇرگىزىلىپ, كومپيۋتەرلىك تەحنيكا جاڭارتىلىپ, مودەرنيزاتسيادان وتكەن ەدى.
ء«بىز بالالاردىڭ ساپالى وقۋى مەن دامۋى ءۇشىن جاقسى جاعداي جاساۋعا تىرىسامىز. مەكتەپكە دەيىنگى ۇيىمداردىڭ رەنوۆاتسياسى – بۇل ءار بالانىڭ بولاشاعىن جارقىن, تابىستى ەتۋگە سالىنعان ينۆەستيتسيا», دەدى مەكتەپكە دەيىنگى ءبىلىم بەرۋ دەپارتامەنتىنىڭ ديرەكتورى مانار اداموۆا.
ايتا كەتسەك, ەلىمىزدە جاڭا بالاباقشالار دا اشىلىپ جاتىر. ماسەلەن, سوڭعى 3 جىلدا مەكتەپكە دەيىنگى ۇيىمداردىڭ جەلىسى 801 نىسانعا كوبەيدى. ال سوڭعى بەس جىلدا بالاباقشالارعا كەزەكتىلىك ەكى ەسەگە كەمىدى, وسىلايشا 2-6 جاستاعى بالالاردى مەكتەپكە دەيىنگى ۇيىمدارمەن قامتۋ 91%-دى قۇرادى. وسى جىلى بۇل كورسەتكىشتى 92,5%-عا جەتكىزۋ كوزدەلىپ وتىر.
