وتاندىق مەديتسيناعا جاعداي جاسالعانىنا ريزاشىلىق

ەلباسى نۇرسۇلتان نازارباەۆتىڭ اتىنا استانا قالاسىنىڭ تۇرعىنى جانىبەك وسپانوۆتان حات كەلدى, دەپ حابارلادى پرەزيدەنتتىڭ ءباسپاسوز قىزمەتى. اۆتور حاتىندا 2012 جىلى تام­ىزدا ۇلتتىق عىلىمي كارديوحي­رۋرگيا ورتالىعىندا وزىنە دو­نور­لىق جۇرەك ورناتۋ وپەراتسياسى جاسالعانىن ايتادى. «مىنە, ەكى جىلدان بەرى دونور­لىق جۇرەكپەن ءومىر ءسۇرىپ كەلەمىن. بالا تاربيەلەپ, ەل قاتارلى ءومىر ءسۇرۋ­دەمىن. جۇرەك اۋىستىرۋ تۋرالى بەس جىل بۇرىن ارمانداي دا الما­عان ەدىم. دەنساۋلىق ساقتاۋ سالا­سىن دامىتۋعا ءسىزدىڭ تىكەلەي ارالاسۋىڭىزدىڭ ارقاسىندا ءبىز قازىر جوعارى تەحنولوگيالىق مەدي­تسينالىق كومەك الۋ ءمۇم­كىن­دى­گىنە يەمىز, بۇرىن ولار تەك شەتەل­دەردە جانە كوپ اقشاعا جاسالاتىن», – دە­لىنگەن حاتتا. ج.وسپانوۆ وتاندىق مەديتسينانى دامىتۋ ءۇشىن جاعداي جاسال­عانىنا ريزاشىلىعىن ءبىلدىرىپ, سونىڭ ارقاسىندا ءومىر سۇرۋگە ەكىن­شى مۇمكىندىك العانىن ايتادى. سوڭىندا اۆتور جەكە ءوزىنىڭ جانە وتباسىنىڭ اتىنان مەملەكەت باس­شىسىنا مىقتى دەنساۋلىق پەن باقىت, ال بارشا قازاقستان حال­قى­نا باق-بەرەكە مەن يگىلىك تىلەگەن.