قۋعىن-سۇرگىن قۇرباندارىنىڭ تۋىستارى ارنايى وتەماقى الا الادى

باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتى مەن ونىڭ اۋماقتىق ورگاندارىنىڭ ارحيۆتەرى شەگىندە وزگە دە ارحيۆتىك انىقتامالار, ۇزىندىلەر مەن قۇجاتتاردىڭ كوشىرمەلەرىن الۋعا بولادى.

ارحيۆتىك انىقتامانى الۋ ءۇشىن:

• ەلەكتروندىق تسيفرلىق قولتاڭبانىڭ كومەگىمەن egov.kz پورتالىنا نەمەسە تەلەفون نومىرىڭىزگە كەلەتىن ءبىر رەتتىك قۇپيا ءسوز ارقىلى ءوتىڭىز.
• سۇراۋ سالۋدى رەسىمدەۋ ساتىسىندا «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ فيليالىن تاڭداڭىز.
• ارحيۆتىك انىقتامانىڭ قاعاز نۇسقاسى, كەم دەگەندە 8, ال شالعاي اۋداندار ءۇشىن 10 جۇمىس كۇن ىشىندە بەرىلەدى.

ايتا كەتەيىك, قازاقستاندا 125 مىڭنان استام ادام قۋعىن-سۇرگىنگە ۇشىراپ, 25 مىڭ ادام اتۋ جازاسىنا كەسىلگەن. جازىقسىز جازالانعانداردىڭ قاتارىندا ءا.بوكەيحان, ا.بايتۇرسىن ۇلى, م.تىنىشباەۆ, م.دۋلات ۇلى, ت.رىسقۇلوۆ, م.جۇماباەۆ, س.سەيفۋللين, ءى.جانسۇگىروۆ, ب.مايلين, س.اسفەندياروۆ سىندى قايراتكەرلەر مەن ۇلت زيالىلارى بار.

1993 جىلى «جاپپاي قۋعىن-سۇرگىن قۇرباندارىن اقتاۋ» تۋرالى زاڭ قابىلدانعان ەدى. سونىڭ ناتيجەسىندە جازىقسىز جالا جابىلعاندار اقتالدى. اقتاۋ شارالارى ءالى دە جالعاسىپ جاتىر.

ەرلان كيىكباي,

ل.ن.گۋميلەۆ اتىنداعى ەۇۋ ستۋدەنتى