اقپاراتتار اعىنى

*وتكەن جىلى قازاق­ستان­دا ىشكى جالپى ءونىم 4,3 پايىزعا وسكەن. ال نەگىزگى كاپيتالعا باعىتتالعان ينۆەس­تي­تسيالار 6 ترلن. 574 ملرد. تەڭگەنى قۇراپ, 3,9 پايىزعا ارتقان. *بيىل «بايقوڭىر» عارىش كەشەنىنىڭ 60 جىل­دىعى اتاپ وتىلەدى. وسى­عان وراي مەرەيتويدى ۇيىم­داس­تىرۋ جانە مەرەكەلەۋ ءجونىن­دەگى ۇيىمداستىرۋ كوميتەتى قۇرىلدى. *باتىس قازاقستاندا 2014 جىلى «جۇمىسپەن قام­تۋدىڭ جول كارتاسى-2020» باع­دارلاماسى بويىن­شا 996 ملن. تەڭگە ءبولى­نىپ, ونىڭ بارلىعى يگەرىل­دى. جال­پى, 2013-2014 جىل­دارى مەم­لەكەتتىك باعدار­لا­ما­لاردىڭ اياسىندا وڭىردە 1510 جاڭا جۇمىس ورنى اشىلعان. *استانادا «BASTAU» بيزنەس مەكتەبى» اتتى وقىتۋ جوباسى قىزمەت كورسەتەدى. ۇلتتىق كاسىپكەرلەر پالاتاسى اشقان بۇل مەكتەپ جۇمىسسىز جۇرگەن جاستاردى, جاس كاسىپ­كەرلەردى قولداۋعا جانە بەيىم­دەۋگە ارنالعان. *الماتىداعى «مەدەۋ» مۇز ايدىنىندا 2015 جىلدىڭ اقپانىندا مۇز­داعى موتوجارىستان الەم چەمپيوناتىكەزەڭدەرىنىڭ ءبىرى وتەدى. 20-دان استام سپورت تەلەارناسىنان تاراتىلاتىن ءدۇبىرلى دودانى الەمنىڭ 200 ميلليوننان استام كورەرمەنى تاماشالايدى دەپ كۇتىلۋدە. *وڭتۇستىكقازاقستاندىق وقۋشىلار حالىقارالىق وليمپيادادان ولجالى ورالدى. بولگاريا استاناسى سوفيا قالاسىندا ماتەماتيكادان وتكەن ءبىلىم سايىسىنا ەلىمىزدەن 21 وقۋشى بارىپ, ولاردىڭ 16-سى جۇلدەلى ورىن­دارعا يە بولعان. ونىڭ ىشىندە وڭتۇستىكقازاقستاندىق 19 وقۋ­شى­نىڭ 3-ەۋى التىن, 4-ەۋى كۇمىس, 7-ەۋى قولا مەدالعا قول جەت­كىزسە, 5 وقۋشى ارنايى سەرتيفيكاتپەن ماراپاتتالىپتى. *پاۆلودار وبلىسىنىڭ بارلىق دەڭگەيدەگى اكىم­دەرى مەملەكەتتىك باعدار­لا­ما­لاردىڭ ىسكە اسىرىلۋى تۋرالى ەسەپ بەرۋدە. ولار حالىققا 2014 جىلدىڭ الەۋ­مەت­تىك-ەكونوميكالىق دامۋ قورىتىندىلارى جونىندە باياندايدى. كەزدەسۋلەر بارىسىندا ءوڭىر تۇرعىندارىنىڭ الەۋمەتتىك ماسەلەلەرى نازارعا الىنادى. *جامبىل وبلىسىندا العاشقى جەكەمەنشىك مەتەوستانسا اشىلدى. ونى م.ح. دۋلاتي اتىنداعى تاراز مەملەكەتتىك ۋنيۆەرسيتەتىنىڭ «فيزيكا» كافەدراسىنىڭ قىزمەتكەرلەرى, ستۋدەنتتەرى مەن وقىتۋشىلارى ىسكە قوستى. *پەتروپاۆل قالاسىندا 2014 جىلى 45 كوپقاباتتى ءۇي جوندەۋدەن ءوتتى. تۇر­عىن ءۇي-كوممۋنالدىق شارۋا­شىلىقتى جاڭعىرتۋ اياسىندا ىسكە اسى­رىلعان بۇل جۇمىستارعا رەس­پۋبليكالىق بيۋدجەتتەن 777,1 ملن. تەڭگە بولىنگەن. حابارلار ۇكىمەت, وبلىستىق اكىمدىكتەر سايتتارى مەن «قازاقپارات» اگەنتتىگىنىڭ دەرەكتەرى بويىنشا دايىندالدى.