فوتو: bbc.com
ماسەدەن, اندرەي ورىنبور وبلىسىنان 10 جىل بۇرىن جەر الىپ, جاڭا ءۇيىن ەندى عانا سالىپ ءبىتىرىپ, جاقىندا عانا قونىستانعان. ارادا بىرنەشە اي وتكەندە ونىڭ جىلدار بويى ەڭبەكپەن تۇرعىزعان ءۇيىن سۋ باسىپ قالدى.
سۋ تاسقىنىنان ەكى ايعا جۋىق ۋاقىت وتسە دە, كوبىسى ءالى تولەم الا الماي جاتىر. وبلىس بيلىگىنىڭ سوڭعى مالىمەتى بويىنشا, وتەماقى الۋعا بەرىلگەن 187 مىڭنان استام ءوتىنىش قابىلدانباعان. وتەماقى العانداردىڭ ءوزى ءۇيدىڭ قۇنىن نەمەسە جوندەۋ جۇمىستارىن تولىق وتەمەيتىنىن العا تارتىپ وتىر.
ءساۋىردىڭ 6-سى كۇنى ورىنبور وبلىسىنىڭ گۋبەرناتورى دەنيس پاسلەر ۇيلەرىن سۋ باسقان وبلىس تۇرعىندارىنا ادام باسىنا 20 مىڭ رۋبل كولەمىندە ءبىر رەتتىك ماتەريالدىق كومەك بەرىلەتىنىن ايتتى. 24 ساعاتتان استام ۋاقىت بويى سۋ جانە ەلەكتر قۋاتىنسىز قالعان تۇرعىندارعا 10 مىڭ رۋبل تولەنەدى. وبلىس بيلىگى بۇل ءبىر رەتتىك وتەماقىعا گيگيەنالىق قۇرالدار ساتىپ الۋدى ۇسىندى.
سونداي-اق, ورىنبور وبلىسىنىڭ اكىمدىگى ماڭىزدى م ۇلىكتى جوعالتقاندارعا دا ماتەريالدىق كومەك كورسەتۋ تۋرالى وتىنىشتەردى قابىلداۋعا شەشىم شىعاردى. ونىڭ قۇنى م ۇلىككە جارتىلاي زاقىم كەلسە ءبىر ادامعا 50 مىڭ رۋبل, ال پايدالانۋعا تولىق جارامايتىن م ۇلىككە 100 مىڭ رۋبلدەن بەرىلەدى.
مۇنداي تۇرمىس ءۇشىن ماڭىزدى م ۇلىكتىڭ تىزبەسىن رەسەي ۇكىمەتى جاساقتادى. وعان: كەرەۋەت نەمەسە ديۆان, ۇستەل, توڭازىتقىش, گاز پليتاسى, سۋ جىلىتقىشى, جىلىتۋ قازاندىعى كىرگەن.
وسى تۇستا «بي-بي-ءسيدىڭ» كەيىپكەرى اندرەي ەكىنشى ءۇيى نەمەسە ورتاق م ۇلىكتەگى ۇلەسى بار ادامدار م ۇلىكتى جوعالتقانى ءۇشىن تولەم بەرىلمەيتىنىنە نارازىلىق بىلدىرگەن.
ونىڭ اناسى قازىر اندرەيدىڭ اتىنا تىركەلگەن ورىنبورداعى پاتەردە تۇرادى. سونىمەن قاتار ونىڭ ورسك قالاسىندا بالالارىنىڭ بولاشاعى ءۇشىن الىنعان پاتەرى بار. الايدا اندرەيدىڭ وتباسىنا تيەسىلى ورسك قالاسىنداعى سۋ باسقان ءۇي عانا كۇردەلى جوندەۋدى قاجەت ەتەدى دەپ تانىلعان.
كەيىنگى كۇندەرى ورىنبور وبلىسىنىڭ تۇرعىندارى مەملەكەتتىك قىزمەتتەردەن تولەم الۋ تۋرالى وتىنىشتەرى قاناعاتتاندىرىلمايتىنى تۋرالى جاپپاي حابارلامالار الا باستادى. ورىنبور وبلىسى اكىمدىگىنىڭ مالىمەتىنشە, 27 مامىرداعى جاعداي بويىنشا 574 مىڭنان استام ءوتىنىشتىڭ 187 مىڭنان استامى قابىلدانعان. سۇرانىستىڭ 87 پايىزى قارالىپ, 316 مىڭنان استام ءوتىنىش بويىنشا تولەمدەر بەكىتىلگەن. قۇزىرلى ورگان وتىنىشتەر قايتا جىبەرىلگەننەن نەمەسە تولەم الۋعا قۇقىعى جوق بولعاندىقتان قابىلدانباعانىن ايتتى.
