سەنىم گراموتاسىن تاپسىردى

قازاقستان رەسپۋبليكاسىنىڭ اۆسترياداعى ەلشىسى, قازاقستاننىڭ ۆەناداعى حالىقارالىق ۇيىمدار جانىنداعى تۇراقتى وكىلى قايرات سارىباي سلوۆەنيا رەسپۋبليكاسىنىڭ پرەزيدەنتى بورۋت پاحورعا سەنىم گراموتاسىن تاپسىردى. كەزدەسۋ بارىسىندا قازاق­ستان­دىق ديپلومات سلوۆەنيا باسشىسىنا قازاقستان پرەزيدەنتى نۇر­سۇلتان نازارباەۆتىڭ سالەمىن جەت­كىزىپ, استانانىڭ ەكى ەل اراسىن­داعى ينۆەستيتسيالاردىڭ كەڭەيۋىنە مۇددەلىلىگىن اتاپ كورسەتتى. سونداي-اق, سلوۆەنيالىق كومپانيالاردىڭ قاتىسۋى ءۇشىن ءتيىمدى الاڭ بولىپ تابىلاتىن استانا قالاسىندا وتەتىن حالىقارالىق مامانداندىرىلعان ەكسپو-2017 كورمەسىنىڭ ماڭى­زى­نا باسا نازار اۋداردى. «نۇرلى جول» جاڭا ەكو­نومي­كا­لىق ساياسات پەن يندۋستريالىق-ين­نو­ۆاتسيالىق باعدارلامانىڭ ەكىنشى كەزەڭى سلوۆەنيا كومپا­نيا­لارىنىڭ قازاقستاننىڭ يندۋس­تريالىق جوبالارىنا قاتىسۋىنا جاڭا سەرپىن بەرۋى ىقتيمالدىعى تۋرالى ايتىلدى. ءوز كەزەگىندە ب.پاحور قازاق­ستان پرەزيدەنتىنىڭ جىلى لەبى­زى­نە ال­عى­سىن ءبىلدىردى جانە ليۋبليا­نا­نىڭ قازاقستان-سلوۆەنيا قاتى­ناس­تا­رىنا ۇلكەن ءمان بەرەتىنىن جەتكىز­دى. سلوۆەنيا پرەزيدەنتى ەكى­جاقتى ساۋدا-ەكونوميكالىق ىنتى­ماق­تاستىق­قا جوعارى باعا بەرىپ, ونى دامىتۋدا ايتارلىقتاي الەۋەت­تىڭ بار ەكەن­دى­گىن اتاپ ءوتتى. ەرەك­شە نازار ەكى ەل اراسىنداعى عىلى­مي جانە مادەني الماسۋلار ماسە­لەلەرىنە اۋدارىلدى. كەزدەسۋ سوڭىندا سلوۆەنيا پرە­زيدەنتى بورۋت پاحور قازاقستان پرە­زي­دەنتى نۇرسۇلتان نازارباەۆقا ىزگى تىلەكتەرىن ءبىلدىرىپ, ەلشىدەن ەلبا­سى­نا ىڭعايلى ۋاقىتتا رەسمي ساپارمەن سلوۆەنياعا كەلۋگە شاقىرۋىن جەتكىزۋدى ءوتىندى. «ەگەمەن-اقپارات».