فوتو: kazgazeta.kz
كەزدەسۋدە ديحان قامزابەك ۇلى قىتايلىق ءجۋرناليستى سەرىكتەستىكتىڭ تىنىس-تىرشىلىگىمەن تانىستىرىپ, عاسىرلىق تاريحى بار «Egemen Qazaqstan», «كازاحستانسكايا پراۆدا» گازەتتەرى تۋرالى اڭگىمەلەپ, «قازاق گازەتتەرى» قۇرامىنداعى وزگە دە باسىلىمدارعا توقتالدى. سونداي-اق سەرىكتەستىكتىڭ بىرقاتار قىتاي باسىلىمدارىمەن ارىپتەستىك بايلانىسى بارىن ايتىپ ءوتتى.
وسى قىزمەتىندە جىلعا جۋىق ۋاقىت قانا جۇمىس ىستەپ كەلە جاتقان قىتايلىق جۋرناليست «كازاحستانسكايا پراۆدا» گازەتىمەن تىعىز بايلانىسى بارىن ايتتى. سونىمەن قاتار ول سەرىكتەستىك باسىلىمدارىنىڭ «جەنمين جيباو» گازەتىنىڭ ء«بىر بەلدەۋ, ءبىر جول» جوباسى اياسىندا قۇرىلعان مەدياوداقتىڭ مۇشەلىگىنە ءوتۋ جونىندە ۇسىنىس جاسادى. وسى وداق جىل سايىن ءوزىنىڭ مەديافورۋمىن وتكىزىپ, سول ءىس-شارا اياسىندا شەتەل جۋرناليستەرى ءۇشىن بەيجىڭ قالاسىنا ساياحات ۇيىمداستىرىپ تۇرادى ەكەن.
سونداي-اق د.قامزابەك ۇلى مەن لي چياڭ ارىپتەستىك شەڭبەرىندە گازەتكە جاريالاناتىن ماقالالار جايىندا پىكىر الماستى.
«بۇعان دەيىن سىزدەرمەن ارىپتەستىك بايلانىسىمىز بولعان جوق. سوندىقتان گازەتتەرىڭىز رەسپۋبليكا كولەمىندە تارايتىن تانىمال دا ىرگەلى باسىلىم بولعاندىقتان, ءبىز ەكىجاقتى ارىپتەستىك, ىنتىماقتاستىعىمىزدى نىعايتقىمىز كەلەدى. قحر توراعاسى سي ءتسزينپيننىڭ ماقالاسىن, الداعى ۋاقىتتا استانادا بولعالى وتىرعان شىۇ سامميتىنە قاتىستى ماتەريالداردى گازەتتەرىڭىزدە جاريالاۋ جونىندە ۇسىنىسىمىز بار», دەگەن قىتايلىق گازەت وكىلىنە سەرىكتەستىك باسشىسى قوس مەملەكەتتىڭ سىرتقى ىستەر مينيسترلىكتەرى دەڭگەيىندەگى ءتيىستى رۇقسات قۇجاتتارى رەتتەلسە, مۇنداي ۇسىنىستى قولداۋعا دايىن ەكەنىن جەتكىزدى.
سونداي-اق ول ماتەريالداردى مۇمكىندىگىنشە «Egemen Qazaqstan» جانە «كازاحستانسكايا پراۆدا» گازەتتەرىنە بىردەي جاريالاۋ جونىندەگى ءوز پىكىرىن ورتاعا سالدى.
تاراپتار الداعى ۋاقىتتا جالپى قازاق-قىتاي ىنتىماقتاستىعىن جانداندىرۋعا مەديا سالاسى بويىنشا ۇلەس قوسۋعا, ارىپتەستىك بايلانىستى دامىتا تۇسۋگە كەلىستى.
