پحەنيان تىكەلەي كەلىسسوزگە دايىن

شاراينا پحەنيان اقش پەن وڭتۇستىك كورەيانىڭ بىرلەسكەن جاتتىعۋلار وتكىزۋدەن ۋاقىتشا باس تارتۋىنا جاۋاپ رەتىندە يادرولىق سىناقتاردى توقتاتۋعا قاتىستى ءوز ۇسىنىسىن ءتۇسىندىرۋ ءۇشىن ۆاشينگتونمەن تىكەلەي كەلىسسوزگە شىعۋعا دايىن. بۇل تۋرالى كحدر-ءدىڭ بۇۇ-داعى تۇراقتى وكىلىنىڭ ورىنباسارى ان مەن حۋن مالىمدەدى. بۇعان دەيىن اقش مۇنداي جايتتى ەگەر بىرلەسكەن جاتتىعۋلاردى وتكىزۋدەن باس تارتقان جاعدايدا سىناق جاساۋدىڭ «جاسىرىن قاتەرى» دەپ ەسەپتەيتىنىن ايتقان بولاتىن. ال ان مەن حۋن يادرولىق سىناقتار مەن امەريكالىق-وڭتۇستىككورەيالىق جاتتىعۋلاردى توقتاتۋ باستاماسىن وتە ناقتىلى جانە ماڭىزدى باستاما دەپ اتاي وتىرىپ, جوعارىدا ايتىلعان سوزدەردى تەرىسكە شىعاردى. وسى ورايدا كحدر-ءدىڭ سوڭعى جىلدارى ءۇش يادرولىق سىناق جاساعانىن, وعان جاۋاپ رەتىندە قاۋىپسىزدىك كەڭەسىنىڭ پحەنيانعا جاڭا سانكتسيالار ەنگىزگەنىن جانە بۇرىنعى سانكتسيالاردى قاتايتقانىن ايتا كەتۋ كەرەك. جانكەشتى قاي ەلدىڭ ازاماتى؟ ىستامبۇل پروكۋراتۋراسى تاياۋدا قالانىڭ سۇلتاناحمەت الاڭىندا تەررورلىق اكتى دايىنداۋعا قاتىسى بار دەگەن كۇدىكپەن ءۇش ادامدى, ونىڭ ىشىندە داعىستاننىڭ ەكى تۇرعىنىن تۇتقىنعا الۋ تۋرالى سوتقا ۇسىنىس حات جولدادى. تەررورلىق اكت ىستامبۇل قالاسىنىڭ ورتالىعىنداعى پوليتسەي ۋچاسكەسىندە ورىن العان بولاتىن. عيماراتقا كىرۋ ءۇشىن «جانكەشتى بەلدىگىن» تاققان ايەل ءتارتىپ ساقشىلارىنا اعىلشىن تىلىندە ءوزىنىڭ ءاميانى ۇرلانعانىن حابارلاعان. عيمارات ىشىندە ول جارىلعىش زاتتى ىسكە قوسادى. سونىڭ سالدارىنان ەكى پوليتسەي جاراقات الىپ, ولاردىڭ بىرەۋى قازا تابادى. بارلىعى تەررورلىق اكتىگە قاتىسى بار دەگەن كۇدىكپەن التى ادام قاماۋعا الىندى. تۇرىك باق-تارىنىڭ حابارلاۋىنشا, جانكەشتى ديانا رامازانوۆا ەسىمدى رەسەيلىك كورىنەدى. دەگەنمەن, ازىرگە ول تۋرالى ناقتى مالىمەتتەر جوق. يتاليا پرەزيدەنتى وتستاۆكاعا كەتتى يتاليا باسشىسى دجوردجو ناپوليتانو 14 قاڭتاردا وتستاۆكاعا كەتتى. رەزيدەنتسيانى پرەزيدەنت رەتىندە بوساتقاننان كەيىن ول ءومىر بويعى سەناتور مارتەبەسىنە يە بولادى. بۇل تۋرالى يتاليا پارلامەنتىنىڭ وتىرىسىندا ەلدىڭ پرەمەر-ءمينيسترى ماتتەو رەنتسي حابارلاعان. وسى ورايدا, پرەزيدەنت مالىمدەمەسىندە كۇلكىلى دەرلىك جاعدايدىڭ ورىن العانىن ايتا كەتۋ كەرەك. ماسەلە بىلاي بولعان. پرەزيدەنت سارايى الدىندا كەزدەسكەن ءبىر بالا ودان ءوزىن قالاي سەزىنەتىنى تۋرالى سۇراعاندا, پرەزيدەنت: «مەن ۇيگە قايتاتىنىما وتە قۋانىشتىمىن. بۇل جەردە (رەزيدەنتسيادا) جاقسى, بىراق بۇل تۇرمەنى ازداپ ەسكە تۇسىرەدى» دەپ جاۋاپ بەرگەن كورىنەدى. جۇمىستىڭ كۇردەلىلىگىن ازىلمەن تۇسىندىرگەن پرەزيدەنتتىڭ ءاۋ باستان-اق ەكىنشى مەرزىمگە سايلانعىسى كەلمەگەنىن دە ايتا كەتكەن ءجون. فرانتسيادا ارنايى تۇرمەلەر اشىلماق 2015 جىلدىڭ سوڭىنا دەيىن فرانتسيا تۇرمەلەرىندە راديكالدى باعىتتاعى يدەيالاردى ۋاعىزدايتىن قىل­­­مىس­­كەرلەر قامالاتىن ايرىقشا بولىمشە پايدا بولماق. ەلدىڭ پرەمەر-ءمينيسترى مانۋەل ۆالس جەرگىلىكتى پارلامەنت دەپۋتاتتارى الدىندا ءسوز سويلەپ, وسىنداي مالىمدەمە جاساعان. مۇنداي جاعدايعا Charlie Hebdo ساتيرالىق اپتالىعىنىڭ رەداكتسيا­سىنا جاسالعان قارۋلى شابۋىل سەبەپكەر بولىپ وتىر. ونىڭ ۇستىنە ەۋرووداقتىڭ تەرروريزممەن كۇرەس جونىندەگى ۇيلەستىرۋشىسى جيل دە كەرشوۆ ەۋروپادا جاڭا تەررورلىق اكتىلەردىڭ ورىن الۋى مۇمكىن ەكەنىن ايتىپ, ەسكەرتۋدە. ول پاريجدە ورىن العانداي جاڭا شابۋىلدار قايتالانار بولسا, وداققا مۇشە ەلدەر ولاردىڭ الدىن الا المايدى دەپ قاۋىپتەنەدى. دۋباي اۋەجايى كوش باستاپ تۇر دۋبايدىڭ حالىقارالىق اۋەجايى 2014 جىلدىڭ قورىتىندىسى بويىنشا تاسىمالدانعان جولاۋشىلارىنىڭ سانى جاعىنان لوندوندىق حيتروۋدى باسىپ وزىپ, الەمدەگى ەڭ جۇكتەمەسى اۋىر اۋەجاي اتاندى. 2014 جىلى دۋباي اۋەجايى ارقىلى 71 ميلليونعا جۋىق حالىقارالىق جولاۋشىلار وتكەن. ال حيتروۋدا بۇل كورسەتكىش 68,1 ميلليوندى قۇرايدى. ءبىزدىڭ حيتروۋدىڭ قۋاتتارى جەتپەيتىن باعىتتارعا قىزمەت كورسەتۋگە قابىلەتتى بولۋىمىزعا بايلانىستى حيتروۋ اۋەجايى دۋبايدىڭ پايداسىنا كوپتەگەن تاسىمالدارىن جوعالتۋدا, دەپ مالىمدەگەن دۋباي اۋەجايىنىڭ باس اتقارۋشى ديرەكتورى پول گريففيتس. ونىڭ سىرتىندا كوشباسشىلىقتىڭ اۋىسۋىنا دۋبايدا ورنالاسقان Emirates Airline اۋە كومپانياسىنىڭ 30 جىلعا جەتەر-جەتپەس ۋاقىتتا تاسىمالدى قارقىندى تۇردە ۇدەتۋى دە سەبەپكەر بولىپ وتىر. اتالمىش كومپانيا بۇگىندە الىسقا ۇشاتىن ۇشاقتاردىڭ ەڭ ءىرى فلوتىنا يە. ەل تاريحىنداعى ەڭ ءىرى بيۋدجەت بەكىتىلدى جاپونيا ۇكىمەتى سارسەنبى كۇنگى وتىرىسىندا ەلدىڭ 2015 قارجى جىلىنا ارنالعان بيۋدجەتىنىڭ جوباسىن بەكىتتى. وندا 4,98 تريلليون يەندى (42,2 ملرد.دوللار) قۇرايتىن اسكەري شىعىنداردىڭ ەڭ جوعارى دەڭگەيى قاراستىرىلعان. وتكەن جىلمەن سالىستىرعاندا, قورعانىسقا جۇمسالاتىن شىعىندار 100 ميلليارد يەنگە ارتپاق. ونىڭ ىشىندە وسى ەلدە ورنالاسقان امەريكالىق اسكەري بازالارعا قاتىستى شىعىندار ۇستىمىزدەگى جىلى 149 ميلليارد يەندى قۇرايتىن بولادى. ءسوز رەتىندە كحدر-ءدىڭ يادرولىق باعدارلاماسىنىڭ, سول سياقتى قىتايدىڭ شىعىس-قىتاي تەڭىزىندە بولۋىنىڭ جاپونيانىڭ ءداستۇرلى تۇردە الاڭداۋشىلىعىن تۋعىزاتىنىن دا ايتا كەتۋ قاجەت. ەل ۇكىمەتى بەكىتكەن بيۋدجەت جاپونيا تاريحىنداعى ەڭ ءىرى بيۋدجەت بولىپ وتىر. جوعالىپ كەتكەن ستۋدەنتتەر تاعدىرى انىقتالماي وتىر مەكسيكانىڭ يگۋالا قالاسىندا وسىدان ءۇش جارىم اي بۇرىن جوعالىپ كەتكەن ستۋدەنتتەردىڭ اتا-انالارى ءبىر اسكەري ءبولىمنىڭ اۋماعىنا باسىپ كىرىپ, سول جەردە جانجال شىعاردى. پروكۋراتۋرانىڭ بولجامى بويىنشا, پوليتسەيلەر ستۋدەنتتەردىڭ ءبىر توبىن «گەررەروس ۋنيدوس» توبىنىڭ باندىلارىنا بەرىپ جىبەرگەن. ال ولار بولسا, ستۋدەنتتەردى اتىپ ءولتىرىپ, ولاردىڭ دەنەلەرىن ورتەپ جىبەرگەن. مۇردەسى تەرگەۋ ورگاندارىنا بەرىلگەن ءبىر ستۋدەنتتىڭ دەنەسىنىڭ قالدىقتارىنا جۇرگىزىلگەن سايكەستەندىرۋ شاراسى دا وسى بولجامدى راستاپ وتىر. جوعالىپ كەتكەن جاستاردىڭ اتا-انالارى ءوز بالالارىنىڭ قازا تابۋ سەبەپتەرى تۋرالى ناقتى ايعاقتار بەرۋدى تالاپ ەتۋدە. تەرگەۋ بارىسىندا ەلدىڭ قۇقىق قورعاۋ ورگاندارى وسى قايعىلى وقيعاعا قاتىسى بار دەگەن كۇدىكپەن 80 ادامدى قاماۋعا الدى. سونىمەن بىرگە, وننان استام ادام ءالى كۇنگە دەيىن ىزدەستىرىلۋدە. ينتەرنەت ماتەريالدارى نەگىزىندە ازىرلەندى.