فوتو: pixabay.com
«2024 جىلدىڭ 4 ايىندا جالپى ترانزيت كولەمى 10,7 ملن توننانى قۇراپ, بىلتىرمەن سالىستىرعاندا 1 پايىزعا ءوستى (10,6 ملن توننا). ونىڭ ىشىندە اۆتوموبيل كولىگىمەن تاسىمالدانعان ترانزيتتىك جۇكتەر كولەمى 1,5 ملن توننانى قۇراپ, بىلتىرعا قاراعاندا 50 پايىزدىق ءوسىمدى كورسەتتى (1 ملن توننا)», دەدى مينيسترلىك وكىلدەرى.
سونىمەن قاتار كونتەينەرلىك تاسىمالدار 433,2 مىڭ جفە (جيىرما فۋتتىق ەكۆيۆالەنت) قۇراپ, وتكەن جىلمەن سالىستىرعاندا (422,7 مىڭ تەۋ) 2%-عا ءوستى.
«ونىڭ ىشىندە قىتاي/ازيا — ەۋروپا — قىتاي/ازيا باعىتىندا 333,9 مىڭ جيىرما فۋتتىق ەكۆيۆالەنتكە جەتتى. بۇل كورسەتكىش وتكەن جىلعا قاراعاندا 11 پايىزعا ارتتى (301,6 مىڭ جفە)», دەپ قوستى مينيسترلىكتەن.
