فوتو: تجم
وتكەن تاۋلىكتە سولتۇستىك قازاقستان وبلىسىنىڭ پەتروپاۆل قالاسىندا قالعان سۋ باسقان اۋلا اۋماقتارىنان سۋ سورۋ جۇمىستارى جالعاسىپ جاتىر. 104 870 تەكشە مەتر سۋ سورىلدى.
«اتىراۋ وبلىسى جىلىوي اۋدانىنىڭ قۇلسارى قالاسىندا, يندەر اۋدانىنىڭ يندەربور كەنتىندە, ماحامبەت اۋدانىنىڭ جالعانساي اۋىلىندا سۋ باسقان اۋماقتاردان 137 823 تەكشە مەتر سۋ سورىلدى. جايىق وزەنىنىڭ سۋ دەڭگەيىنە مونيتورينگ جۇرگىزىلۋدە. جايىق وزەنى سۋ دەڭگەيىنىڭ كوتەرىلۋىنە بايلانىستى اتىراۋ قالاسىندا بوگەتتەردى نىعايتۋ جۇمىستارى جالعاسىپ جاتىر», دەلىنگەن حابارلامادا.
اقتوبە وبلىسى ىرعىز اۋدانىنىڭ قۇيلىس جانە جايساڭباي اۋىلدارىندا 3 300 قاپشىق توسەلدى. بوگەتتەردى نىعايتۋ جۇمىستارى جالعاسىپ جاتىر.
اقمولا وبلىسى تسەلينوگراد اۋدانىنىڭ قوياندى اۋىلىندا ۇزاق ۋاقىت جاۋعان جاڭبىردىڭ سالدارىنان ەكى جەكە تۇرعىن ءۇي مەن 20 اۋلا اۋماعىن سۋ باستى. وتكەن تاۋلىكتە 5 620 تەكشە مەتر سۋ سورىلدى. ۇيلەردەن سۋدىڭ باعىتى بۇرىلدى.
باتىس قازاقستان وبلىسىنىڭ ورال قالاسىندا قۋاتتى جىلجىمالى سورعى ستانتسيالارىنىڭ كومەگىمەن ساياجاي ۇيلەرىنەن ەرىگەن قار سۋىن سورۋ جۇمىستارى تاۋلىك بويى جۇرگىزىلىپ جاتىر. وتكەن تاۋلىكتە 175 320 تەكشە مەتر سۋ سورىلدى.
«رەسپۋبليكا بويىنشا ەۆاكۋاتسيالانعان 61 966 ادام ءوز ۇيلەرىنە ورالدى. 5 316 ادام ۋاقىتشا ورنالاسۋ پۋنكتتەرىندە قالدى. 25,5 ملن ارتىق ەرىگەن قار سۋى سۋ سورىلدى, 8 ملن ارتىق قاپشىق جانە 1,5 ملن توننا ينەرتتى ماتەريال توسەلدى», دەپ حابارلادى ۆەدومستۆو.
اۆاريالىق-قۇتقارۋ جانە سۋ تاسقىنىنا قارسى جۇمىستارعا 4 237 ادام, 659 تەحنيكا, 249 سۋ سورۋ قۇرالى جانە 56 جۇزۋ قۇرالى, 4 اۋە كەمەسى جۇمىلدىرىلدى.
جالپى تجم رادياتسيالىق, حيميالىق جانە بيولوگيالىق قورعاۋ بولىمشەلەرى سولتۇستىك قازاقستان وبلىسىنىڭ 16 ەلدى مەكەنىندە 854 جەكە تۇرعىن ءۇي مەن اۋلا اۋماعىنا, اتىراۋ وبلىسىنىڭ قۇلسارى قالاسىندا 300 مىڭعا جۋىق شارشى مەتر اۋماققا دەزينفەكتسيا جۇرگىزدى.
