ستاتيستيكا بويىنشا, اسىرەسە ماڭعىستاۋ وبلىسىنىڭ تۇرعىندارى ۇيدەن تىس جەردە اس ىشۋگە جانى قۇمار ەكەن. ولار جوق دەگەندە, 200 مىڭنان استام تەڭگەسىن دامحاناعا جۇمسايدى. ال الماتىلىقتار بۇل تىزىمدە ءتورتىنشى ورىنعا جايعاسىپتى.
Finprom.kz اگەنتتىگىنىڭ مالىمەتىنشە, ەلىمىزدە ءبىر وتباسى جىلىنا كەمى 75 مىڭ تەڭگەسىن مەيرامحانا مەن دامحاناعا جۇمسايدى ەكەن.تىزىمدە ماڭعىستاۋ وبلىسى كوش باستاپ تۇر. ولار 200 مىڭ تەڭگەدەن استام قاراجاتىن سىرتتان تاماقتانۋعا جاراتادى. ەكىنشى ورىندا استانالىقتار تۇر. ال الماتىلىقتار 100 مىڭعا جۋىق قاراجاتىن قوعامدىق تاماقتاناتىن ورىندار مەن ءدامحانالاردا جۇمسايدى. رەستوراتورلار اس مازىرىندەگى باعانىڭ كۇننەن-كۇنگە ءوسىپ جاتقانىن ايتادى. ازىق-ت ۇلىك ونىمدەرىنە كەتەتىن شىعىننان بولەك, مەكەمەنى جالعا الۋ, ىدىس-اياق, قىزمەتكەرلەرگە بەرەتىن قارجى باعانىڭ وسۋىنە اكەلەدى دەيدى.
ء«بىر جىلدىڭ ىشىندە مەيرامحانالار شامامەن 30 پايىزعا قىمباتتاعانى راس. سەبەبى ,وزدەرىڭىز بىلەسىزدەر, جۇمىسشىلاردى دا از جالاقىمەن ۇستاپ وتىرا المايمىز. مىسالى, مەن شىعىندى ازايتۋ ءۇشىن كادردى قىسقارتىپ, ولاردىڭ جۇمىسىن ءوز موينىما الىپ وتىرمىن», - دەدى قر رەستوراتورلار قاۋىمداستىعىنىڭ مۇشەسى تيمۋر عايپانوۆ.
دەسە دە قىمباتشىلىققا قاراپ جاتقان حالىق جوق سياقتى. مەيرامحانا قىزمەتكەرلەرى كەلۋشىلەردىڭ كۇن ساناپ ءوسىپ جاتقانىن ايتادى. جاز مەزگىلىندە جۇرت كوبىنە تەراسسادا وتىرىپ, تاڭعى, تۇسكى, كەشكى اسىن ىشەدى.
«ادام سانى ءار اي سايىن وسەدى. جۇمىس كۇندەرى ادامدار وتە كوپ. اسىرەسە دۇيسەنبى, سارسەنبى كۇندەرى. سەبەبى سول كۇندەرى جۇمىستان شارشاعان ادامدار تۇسكى ۋاقىتتا تاماقتانادى. ال كەشكە قاراي كوبىنە جۇپتارىمەن, وتباسىمەن كەشكى اسىن ىشەدى», - دەدى مەيرامحانانىڭ ماركەتينگ قىزمەتكەرى جۇلدىز ءايىپ.
ال ەكونوميستەر مۇنى جاھاندىق دامۋ دەپ تۇسىندىرەدى. ادامدار اۋىلدان قالاعا بەلسەندى تۇردە كوشىپ, بار ۋاقىتىن قاراجات تابۋعا جۇمسايدى دەدى.
«پاندەميادان كەيىن ازىق-ت ۇلىك باعاسىنان بولەك, ءداندى داقىلدارعا دەيىن قىمباتتاعانى راس. بۇل اۋىل شارۋاشىلىعىنىڭ دامىماي جاتقانىن كورسەتەدى. ءوزىمىزدىڭ وندىرىسكە ءمان بەرمەيمىز. سىرتتان يمپورتتاپ الۋعا جانىمىز قۇمار. اد ادامداردىڭ مەيرامحانالارعا دەگەن سۇرانىسىن ۋربانيزاتسيا دەپ ايتار ەدىم», - دەدى ەكونوميست ارمان بايعانوۆ.
دەگەنمەن ەلىمىزدىڭ قوعامدىق تاماقتانۋ ورىندارىنداعى باعانى الەمدىك ستاندارتتارعا ساي كەلەدى دەپ ايتۋ قيىن. باعانىڭ قىمبات ەكەنىن رەيتينگتان-اق اڭعارۋعا بولادى. ەڭ ارزان مەيرامحانادا تاماقتاندىم دەگەننىڭ وزىندە, جوق دەگەندە, 9 اقش دوللارى, ياعني 4000 مىڭ تەڭگەنى تاستاپ كەتەمىز. مۇنداي باعامەن بارلىعى 97 ەل قاتىسقان رەيتينگتە قازاقستان 42-ءشى ورىنعا جايعاسىپتى.
