فوتو: انتيكور
ءىس-شارا سىبايلاس جەمقورلىققا قارسى ورگاننىڭ – گونكونگتىڭ سىبايلاس جەمقورلىققا قارسى كۇرەس جونىندەگى تاۋەلسىز كوميسسياسىنىڭ قۇرىلعانىنا 50 جىل تولۋىنا ارنالعان.
وعان الەمنىڭ 60-تان استام ەلىنىڭ حالىقارالىق ۇيىمدارى مەن سىبايلاس جەمقورلىققا قارسى ۆەدومستۆولارىنىڭ وكىلدەرى قاتىستى.
سىبايلاس جەمقورلىققا قارسى ءىس-قيمىلداعى زاماناۋي سىن-قاتەرلەر, ىستەردى تەرگەۋ جانە جەمقورلىق تاۋەكەلدەرىن انىقتاۋ كەزىندە جاڭا اقپاراتتىق تەحنولوگيالار مەن جاساندى ينتەللەكتىنى قولدانۋ, جەمقورلىققا قارسى ءبىلىم بەرۋ جانە اعارتۋ ماسەلەلەرى, جاستاردىڭ جەمقورلىققا قارسى ءىس-ارەكەتتەرگە تارتىلۋى تالقىلانىپ, جەمقورلىققا قارسى كۇرەستەگى وزىق تاجىريبەلەر تانىستىرىلدى.
كونفەرەنتسيا اياسىندا اگەنتتىك توراعاسى ا.جۇماعالي گونكونگتىڭ سىبايلاس جەمقورلىققا قارسى كۇرەس جونىندەگى تاۋەلسىز كوميسسياسىنىڭ باسشىسى دەنني ۆۋ مىرزامەن كەزدەستى.
ايتا كەتسەك, ترانسپارەنسي ينتەرنەشنل رەيتينگى بويىنشا گونكونگ 180 ەلدىڭ ىشىندە 14-ءشى ورىندا.
تاراپتار ودان ءارى ىنتىماقتاستىقتى ىلگەرىلەتۋ ماسەلەسىن تالقىلادى.
ا.جۇماعالي اگەنتتىكتىڭ قىزمەتى جانە جەمقورلىققا قارسى ءىس-قيمىل بويىنشا قابىلدانىپ جاتقان شارالاردى تانىستىرىپ, ورگاننىڭ بۇۇ ەقب وڭىرلىك پلاتفورماسىن قۇرۋ جانە استانا قالاسىندا كونفەرەنتسيا وتكىزۋ جونىندەگى باستامالارى تۋرالى ايتتى.
كەزدەسۋ قورىتىندىسى بويىنشا ءوزارا تۇسىنىستىك تۋرالى مەموراندۋمعا قول قويىلدى.
قۇجات قۇقىقتىق كومەك كورسەتۋ, اكتيۆتەردى قايتارۋ, ادامداردى ىزدەستىرۋ, بيۋدجەت قاراجاتىن ماقساتتى پايدالانۋ مەن ساتىپ الۋ مونيتورينگى, جاساندى ينتەللەكتتى قوسا العاندا, سىبايلاس جەمقورلىققا قارسى كۇرەستە جاڭا تەحنولوگيالاردى ەنگىزۋ ماسەلەلەرىندە ارىپتەستىكتى نىعايتۋعا باعىتتالعان.
سونداي-اق كوميسسيانىڭ شاقىرۋى بويىنشا قازاقستان اگەنتتىگى سىبايلاس جەمقورلىققا قارسى كۇرەس جونىندەگى ورگانداردىڭ حالىقارالىق قاۋىمداستىعىنا رەسمي تۇردە ەندى.
بۇل شەتەلدىك ارىپتەستەرمەن ءوزارا ءىس-قيمىلدى ەداۋىر كەڭەيتۋگە مۇمكىندىك بەرەدى, سونداي-اق وزىق تاجىريبە مەن ءبىلىم الماسۋعا ىقپال ەتەدى.
سونىمەن قاتار ا.جۇماعالي سيمپوزيۋم اياسىندا ۆەناداعى بۇۇ بولىمشەسىنىڭ باس ديرەكتورى گادا ۆاليمەن, بۇۇ ەقب بولىمشەسىنىڭ باسشىسى بريگيتتا شتروبەل-شو حانىممەن, سونداي-اق مالايزيا, ساۋد ارابياسى, سينگاپۋر, وڭتۇستىك كورەيانىڭ جەمقورلىققا قارسى ۆەدومستۆولارىنىڭ باسشىلارىمەن كەزدەسۋلەر وتكىزىپ, الداعى ىنتىماقتاستىق پەرسپەكتيۆالارىن تالقىلادى.
اگەنتتىك شەتەلدىك ارىپتەستەرمەن ءوزارا ءىس-قيمىلدى نىعايتۋ جونىندەگى جۇمىستى ودان ءارى جالعاستىراتىن بولادى.
