فوتو: diapazon.kz
ماسەلەن, قوسشاعىل اۋىلدىق وكرۋگىندە ورنالاسقان «قاراعاي» شارۋا قوجالىعىنىڭ باسشىسى ايتۋار مىرزاعاليەۆتىڭ ايتۋىنشا, سۋ تاسقىنى كەزىندە ونىڭ ەكى جىلقىسى سۋعا باتىپ كەتكەن. ول شىعىندى وتەۋ ءوتىنىشىن جەرگىلىكتى كاسىپكەرلىك جانە اۋىل شارۋاشىلىعى بولىمىنە جەتكىزگەن.
«بىزگە باعالاۋ كوميسسياسى كەلىپ, بارلىق قۇجاتتاردى زەردەلەدى. ءبىراز ۋاقىتتان كەيىن زالالدى باعالاۋ ناتيجەلەرىن حابارلادى. ءبىز كەلىسىم بەردىك. ودان سوڭ, شوتىمىزعا وتەماقى اۋدارىلدى», دەدى ايتۋار مىرزاعاليەۆ.
ال «ەركىنقاليەۆا» جك شارۋا قوجالىعىندا سۋ تاسقىنى كەزىندە ەكى سيىر مەن ءتورت قوشقار سۋعا باتىپ كەتكەن. زالالدىڭ جالپى سوماسى 1,2 ملن تەڭگەنى قۇرادى.
«كاسىپكەرلىك جانە اۋىل شارۋاشىلىعى بولىمىنە جۇگىنگەننەن كەيىن, سۋ تاسقىنى كەزىندە جوعالعان مالىم ءۇشىن زالال كولەمى تولىعىمەن وتەلدى», دەدى شارۋا قوجالىعىنىڭ باسشىسى ايدا ەركىنقاليەۆا.
وتىنىشتەردى قابىلداۋ جالعاسىپ جاتىر. 15 جۇمىس كۇنى ىشىندە ارنايى كوميسسيا بارلىق قۇجاتتاردى قارايدى, وتەماقى مالىنان ايرىلعان ازاماتتىڭ جەكە شوتىنا اۋدارىلادى.
«بۇعان دەيىن قابىلدانعان وتىنىشتەر بويىنشا جالپى قۇنى 123, 8 ملن تەڭگە زالال تولىعىمەن وتەلدى», دەدى جىلىوي اۋدانىنىڭ كاسىپكەرلىك جانە اۋىل شارۋاشىلىعى ءبولىمىنىڭ باسشىسى نۇرتاس قۋاتباەۆ.
