ايماقتار • 24 مامىر, 2024

تالدىكول تۇرعىندارى اتىراۋعا قايىقپەن قاتىنايدى

170 رەت

كورسەتىلدى

1 مين

وقۋ ءۇشىن

اتىراۋ وبلىسى, ماحامبەت اۋدانىنداعى تالدىكول اۋىلىندا جولدى سۋ باسۋىنا بايلانىستى تۇرعىندارعا قايىق تاسىمالى ۇيىمداستىرىلدى, دەپ جازادى Egemen.kz.

دانا مىرزاقادىر

تالدىكول تۇرعىندارى اتىراۋعا قايىقپەن قاتىنايدى

فوتو: اتىراۋ وبلىسىنىڭ تج جونىندەگى جەدەل شتابى

تالدىكولدە تاسقىن دەڭگەيى كوتەرىلىپ, اۋىلعا كىرەتىن جولدى سۋ باسىپ كەتتى. وسىعان بايلانىستى, اتىراۋ قالاسىمەن قاتىناسىن ۇزبەۋ ءۇشىن, تجد ماماندارى قايىق ارقىلى تاسىمالداۋ قىزمەتىن ۇيىمداستىردى.

بەيبارىس اۋىلدىق وكرۋگىنىڭ اكىمى سەيىلبەك زۇلحاشەۆ قازىرگى ۋاقىتتا تالدىكول اۋىلىن سۋ باسۋ قاۋپى ءتونىپ تۇرعان جوق ەكەنىن العا تارتتى. قوسىمشا بەكىتۋ جۇمىستارى ءۇزىلىسسىز جۇرگىزىلىپ جاتىر.

«قاۋىپسىزدىكتى قامتاماسىز ەتۋ ماقساتىندا, تالدىكول اۋىلىندا قورعانىس مينيسترلىگىنىڭ 59 سارباز, توتەنشە جاعدايلار مينيسترلىگىنىڭ 17 قىزمەتكەرى جانە ارنايى تەحنيكالار جۇمىلدىرىلعان»,

اتىراۋ وبلىسىنىڭ تج جونىندەگى جەدەل شتابىنىڭ اقپاراتىندا.

ەسكە سالايىق, بۇعان دەيىن تالدىكول اۋىلىنان الدىن الا 207 تۇرعىن اتىراۋ قالاسىنداعى ەۆاكوپۋنكتكە كوشىرىلدى. 422 ادام ءوز قالاۋىمەن تۋىستارىنىڭ ۇيىنە ورنالاستى.