فوتو: اقوردا ءباسپاسوز قىزمەتى
كەزدەسۋ بارىسىندا قاسىم-جومارت توقاەۆ پەن ديلحان پەللەيدى «سامۇرىق-قازىنا» قورى مەن Temasek كومپانياسى اراسىندا ستراتەگيالىق سەرىكتەستىك ورناتۋ مۇمكىندىگىن تالقىلادى. پرەزيدەنتتىڭ ايتۋىنشا, اتالعان باستاما ىسكەرلىك بايلانىستاردى كەڭەيتۋگە, ەكونوميكالىق ءوسىمدى ىنتالاندىرۋعا ىقپال ەتەدى. مەملەكەت باسشىسى قازاقستان تاراپىنىڭ Temasek كومپانياسىمەن تىعىز سەرىكتەستىك جاساۋعا مۇددەلى ەكەنىن ايتتى. قاسىم-جومارت توقاەۆ سينگاپۋرلىق كومپانيانى قازاقستان ەكونوميكاسىنىڭ ءتۇرلى سالاسىندا بىرلەسكەن ينۆەستيتسيالىق جوبالاردى جۇزەگە اسىرۋ ىسىنە بەلسەندى اتسالىسۋعا شاقىردى.
ديلحان پيللەي كولىك جانە لوگيستيكا سالالارى بويىنشا ءبىزدىڭ ەلمەن اراداعى ىنتىماقتاستىق پەرسپەكتيۆاسىنا جوعارى باعا بەردى. قازىرگى ۋاقىتتا سينگاپۋرلىق كومپانيا قازاقستان ەكونوميكاسىنا قاتىسۋ مۇمكىندىكتەرىن زەردەلەپ جاتىر.
بۇدان بولەك, كەزدەسۋدە بىرلەسكەن ينۆەستيتسيالىق قور قۇرۋ, سونداي-اق تسيفرلاندىرۋ, ەلەكتروندى كوممەرتسيا جانە جاڭارتىلاتىن ەنەرگيا كوزدەرى سالالارىنداعى ىقپالداستىق ماسەلەلەرى قاراستىرىلدى.
Temasek – سينگاپۋردىڭ 1974 جىلى قۇرىلعان ەڭ ءىرى ينۆەستيتسيالىق كومپانيالارىنىڭ ءبىرى. الەمنىڭ 9 ەلىندە كومپانيانىڭ 13 وكىلدىگى بار.
