لاتۆيالىق ديپلوماتپەن اڭگىمە

كەشە ەلىمىز پارلامەنتى سەناتىنىڭ توراعاسى قاسىم-جومارت توقاەۆ لاتۆيا رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى البەرتس ساركانيسپەن كەزدەستى, دەپ حابارلادى وسى پالاتانىڭ ءباسپاسوز قىزمەتى. كەزدەسۋ بارىسىندا قازاقستان سەناتىنىڭ باسشىسى ا.ساركا­نيس­تىڭ لاتۆيانىڭ ەلىمىزدەگى ديپلو­ما­تيالىق ميسسياسى باسشىلىعىنا تاعايىندالۋى ەكى ەل ىنتىماق­تاس­تىعىنا جاڭا سەرپىن اكەلەتىنىنە سەنىم ءبىلدىردى. توراعا “لاتۆيا شىن مانىندە قا­زاقستاننىڭ بالتىق ايماعىن­دا­عى نەگىزگى ساياسي ءارى ەكونوميكالىق ارىپتەسى بولىپ تابىلادى. استانا ري­گامەن بارلىق سالالار مەن دەڭ­گەي­لەردەگى ديالوگتى, ونىڭ ىشىندە پارلامەنتارالىق بايلانىستاردى دا­مىتۋ مەن نىعايتۋدى ودان ءارى ءىل­گەرىلەتۋگە مۇددەلى”, – دەپ اتاپ ءوتتى. كەزدەسۋدە ەقىۇ مەن وسى ۇيىم­نىڭ پارلامەنتتىك اسسام­بلەيا­سىن قوسا العانداعى حالىق­ارا­لىق جانە پارلامەنتارالىق قۇرىلىمدار اياسىنداعى ءوزارا ءىس-قيمىلدار ماسەلەلەرى بويىنشا جان-جاقتى پىكىر الماسىلدى. البەرتس ساركانيس قازاقستاننىڭ ەقىۇ توراعالىق قىزمەتىن جوعارى باعالاپ, وسى ميسسيانىڭ ءساتتى وتەتىنىنە سەنىم ءبىلدىردى. ەلشىنىڭ ءوتىنىشى بويىنشا قا­سىم-جومارت توقاەۆ قىرعىزستان­داعى احۋال بويىنشا قازاقستاندىق ۇستانىمدار تۋرالى ايتا كەلىپ, جەكە ويلارىمەن ءبولىستى. ول ايماق­تاعى جاعدايدىڭ شيەلەنىسۋىنە قات­تى الاڭداۋشىلىق ءبىلدىرىپ, قالىپ­تاسقان داعدارىستى تەز ارادا رەت­تەۋ­دىڭ, زورلىق-زومبىلىق پەن قان­توگىستىڭ توقتاتىلۋى قاجەتتىگىن اتاپ كورسەتتى.