فوتو: instagram/ gaueznurmukhambetov
ء«بىز قاتاڭ زاڭ اياسىندا ارەكەت ەتۋىمىز كەرەك. بۇل «قىزىل ايماق» ماسەلەسىنە دە قاتىستى. سۋ باسقان اۋماقتان كەتكىسى كەلەتىن تۇرعىنداردى تۇسىنەمىن. دەگەنمەن, بەسكولدەگى زارداپ شەككەن ۇيلەر تەحنيكالىق بايقاۋدىڭ قورىتىندىسى بويىنشا جوندەلەدى نەمەسە بۇزىلادى. قر پارلامەنتى سەناتىنا ەسىل وزەنىنىڭ جاعالاۋىنان قۇرىلىس جۇرگىزۋگە تىيىم سالىنعان ايماقتى 100 مەتردەن 1 شاقىرىمعا دەيىن كەڭەيتۋ تۋرالى ۇسىنىسپەن حات جولدادىق. بۇل ماسەلەلەردى زاڭ جۇزىندە بەكىتۋ كەرەك», دەدى وبلىس اكىمى.
اكىمنىڭ ايتۋىنشا, سۋ تاسقىنى كەزىندە وبلىستا 3898 ءۇي زارداپ شەكتى. ولاردى باعالاۋ جانە تەحنيكالىق تەكسەرۋ بويىنشا بارلىق جۇمىستار اياقتالدى. سونداي-اق 25 مامىرعا دەيىن سمەتالىق قۇجاتتامانى بەرۋ, تەحنيكالىق بايقاۋ جانە تۇرعىن ءۇيدى باعالاۋ جۇمىستارىنىڭ اياقتالاتىنىن اتاپ ءوتتى.
«تۇرعىن ءۇي ماسەلەسىن شەشۋ ءۇشىن «سولنەچنىي-2» شاعىن اۋدانىندا 520 تۇرعىن ءۇي سالىنىپ جاتىر. تۇرعىنداردى بيىلعى سۋ تاسقىنى سالدارىنا بايلانىستى بوگەت سالۋ ماسەلەسى الاڭداتتى. مامانداردىڭ جوبالىق شەشىمى بويىنشا كۇردەلى بوگەتتەردى سالامىز. بارلىق ماسەلە مەنىڭ جەكە باقىلاۋىما الىندى», دەپ جازدى عاۋەز نۇرمۇحامبەتوۆ.
قىرمىزى جۇماعاليقىزى,
ەۇۋ ستۋدەنتى
