مۇنداعى ماقسات - اۋىلدىق جەرلەردە تۇرعىنداردىڭ ءومىر ءسۇرۋ ساپاسىن جاقسارتۋ جانە جايلى ءومىر ءسۇرۋ ورتاسىن قالىپتاستىرۋ.
وسى رەتتە, وبلىس اكىمى ن.نالىباەۆتىڭ قولداۋىمەن ەلدى مەكەندەردە ادام ءومiرi مەن دەنساۋلىعى ءۇشiن قولايلى قورشاعان ورتا قالىپتاستىرۋ, جۇرتشىلىقتىڭ تابيعاتتى قورعاۋى مەن ەلدى مەكەندەردى تازالىق پەن كوگالداندىرۋ شارالارىنا ىنتالاندىرۋ ماقساتىندا وبلىستىق «ۇلگىلى ەلدى مەكەن» كونكۋرسى ءداستۇرلى تۇردە جىل سايىن وتكىزىلىپ كەلەدى.
وتكەن جىلى كونكۋرس جەڭىمپازدارىنا وبلىستىق بيۋدجەتتەن
990,0 ملن تەڭگە ءبولىنىپ, ارنايى تەحنيكالار الىندى.
كونكۋرس كەلەسىدەي نوميناتسيالاردان تۇرادى:
«ۇلگىلى اۋدان ورتالىعى» نوميناتسياسى:
1 ورىنعا – 4 تەحنيكا (مۋسوروۆوز, جول تازالاعىش جۇك كولىگى, اسسەنيزاتور ماشيناسى, كران مانيپۋلياتورى);
2 ورىنعا – 3 تەحنيكا (مۋسوروۆوز, جول تازالاعىش تراكتورى, اسسەنيزاتور ماشيناسى);
3 ورىنعا – 2 تەحنيكا (جول تازالاعىش تراكتورى, اسسەنيزاتور ماشيناسى).
«ۇلگىلى اۋىل» نوميناتسياسى:
1 ورىنعا – 2 تەحنيكا (جەر قازۋشى تراكتورى, جۇك تاسىمالداۋشى كولىگى);
2 ورىنعا – 2 تەحنيكا (جەر قازۋشى تراكتورى, تراكتور تىركەمەسى);
3 ورىنعا – 1 تەحنيكا (تراكتور).
«قىزىلوردا قالاسىنىڭ ۇلگىلى شاعىن اۋدانى» نوميناتسياسى:
1 ورىنعا – 3 جوبا (سكۆەر, سپورتتىق ويىن الاڭدارىن سالۋ, كوشە-اۋلالاردى جارىقتاندىرۋ);
2 ورىنعا – 2 جوبا (بالالار جانە سپورتتىق ويىن الاڭدارىن سالۋ);
3 ورىنعا – 1 جوبا (سكۆەر سالۋ).
بيىل دا بۇل باعىتتا 436,0 ملن تەڭگەگە ارنايى كوممۋنالدىق تەحنيكالار الىنادى. قورىتىندىسى شىلدە ايىندا كوميسسيامەن انىقتالىپ, ۇلگىلى ەلدى مەكەندەرگە تابىستالادى.
وتكەن جىلعى «ۇلگىلى ەلدى مەكەن» كونكۋرسىنىڭ جەڭىمپازى رەتىندە سىرداريا اۋدانى, ناعي ءىلياسوۆ اۋىلى تانىلعان ەدى.
بۇگىندە ەلدى مەكەنگە تابىستالعان ارنايى كوممۋنالدىق تەحنيكالار اۋىلدى اباتتاندىرۋ مەن تازالىعىن ساقتاۋ باعىتىندا قىزمەت ەتىپ جاتىر.
ەلدى مەكەن كوشەلەرىنىڭ بويىنا 50-گە جۋىق كونتەينەر قويىلعان.
سانيتارلىق تازالىق جۇمىستارىن قوعامدىق جۇمىسقا تارتىلعان اۋىل تۇرعىندارى جانە «ماعجان ي ك» سەرىكتەستىگىنىڭ ارنايى جۇمىسشىلارى جۇرگىزىپ جاتىر. جالپى, ۇزدىكتەر كوشىن باستاعان بىرلىگى بەكەم, تىرلىگى كوركەم ناعي ءىلياسوۆ اۋىلىن «ۇلگىلى اۋىل» دەپ ايتۋعا تولىق نەگىز بار. جاسامپاز ىستەردىڭ ۇيىتقىسى بولعان بۇل اۋىل ەلىمىزدەگى باستاۋ العان «تازا قازاقستان» اكتسياسىنا ءوز ۇلەسىن قوسىپ كەلەدى.
اۋىل-ايماقتىڭ اجارىن ايشىقتاپ, كەلبەتىن كوركەم ەتەتىن «ۇلگىلى ەلدى مەكەن» سىندى ءىس-شارالار تۇرعىنداردىڭ تۋعان جەرگە, ەلىنە دەگەن پاتريوتتىق سەزىمىن وياتىپ, ەكولوگيالىق اكتسياعا تۇرعىندار بەلسەندىلىگىن ارتتىرادى.
ەسكە سالا كەتسەك, ايماقتا «تازا قازاقستان» رەسپۋبليكالىق ەكولوگيالىق اكتسياسىنا 90 مىڭنان استام ادام, سونىڭ ىشىندە مەملەكەتتىك مەكەمەلەر مەن جەكە ۇيىمدار, ەرىكتىلەر مەن تۇرعىندار قاتىسىپ, ءىس-شارالارعا بارلىعى 884 تەحنيكا جۇمىلدىرىلدى. ۇيىمداستىرىلعان تازالىق شارالارى ناتيجەسىندە 5654 توننا قوقىس قالدىقتارى شىعارىلىپ, ەلدى مەكەندەردەگى قوعامدىق ورىندار, سكۆەرلەر مەن پاركتەر جانە سۋ ايدىندارى مەن وزەن, كول جاعالاۋلارى تازارتىلدى.
سونداي-اق كوگالداندىرۋ شارالارى اياسىندا بۇگىنگى كۇنى 127 908 دانا اعاش كوشەتتەرى ەگىلدى.
بۇل باعىتتاعى شارالار ءالى دە جالعاسادى.
