فوتو: primeminister.kz
ەكس-ءمينيستردىڭ قاماۋعا الۋ مەرزىمىن ۇزارتۋ تۋرالى شەشىم 15 مامىردا قابىلدانعان.
«استانا قالاسىنىڭ مامانداندىرىلعان اۋدانارالىق تەرگەۋ سوتى 2024 جىلعى 15 مامىردا كۇدىكتى بەكەتاەۆ م.-عا قاتىستى قاماۋدا ۇستاۋ تۇرىندەگى بۇلتارتپاۋ شاراسىن 2024 جىلعى 21 ماۋسىمعا دەيىن ۇزارتۋعا سانكتسيا بەرگەنىن حابارلايمىز», دەلىنگەن ەلوردالىق سوتتىڭ حابارلاماسىندا.
وسىلايشا بەكەتاەۆ كەمىندە تاعى ءبىر اي قاماۋدا بولادى. ەسكە سالايىق, بۇرىنعى مينيستر 2023 جىلدىڭ قازان ايىندا ۇستالعان ەدى.
سىبايلاس جەمقورلىققا قارسى قىزمەتتىڭ حابارلاۋىنشا, مارات بەكەتاەۆ تالاپ ەتىلمەيتىن قىزمەتتەردى كورسەتۋگە جىل سايىنعى كەلىسىمشارت جاساۋ ارقىلى ۇلەستەس كومپانيانىڭ مۇددەسىن قولداپ, مەملەكەتكە ۇلكەن زيان كەلتىرگەن.
مارات بەكەتاەۆ 2016-2022 جىلدار ارالىعىندا ادىلەت ءمينيسترى قىزمەتىن اتقارعان. 2022 جىلدىڭ قاڭتارىنان باستاپ پرەمەر-ءمينيستردىڭ كەڭەسشىسى قىزمەتىن اتقاردى. ول بۇل قىزمەتتەن 2022 جىلدىڭ جەلتوقسانىندا بوساتىلدى, بىراق بۇل تۋرالى تەك 2023 جىلدىڭ اقپانىندا بەلگىلى بولدى.
