فوتو: kursiv.media
مەملەكەتتىك ءتىلدى, سونداي-اق ەلىمىزدىڭ تاريحى مەن كونستيتۋتسياسىنىڭ نەگىزدەرىن بازالىق دەڭگەيدە بىلمەگەندەرگە ازاماتتىق بەرىلمەيدى. ال ءتىلدى مەڭگەرۋدىڭ ءتيىستى دەڭگەيىن عىلىم جانە جوعارى ءبىلىم مينيسترلىگى بەلگىلەيدى.
وسى تۇستا ساياسات نۇربەك كوشى-قون زاڭناماسىنا وزگەرىستەر ەنگىزىلگەنىن تىلگە تيەك ەتتى.
«ەندى ازاماتتىقتى الۋ ءۇشىن تەست تاپسىرۋ كەرەك. بۇل الەم ەلدەرىندەگى قالىپتى تاجىريبە, ياعني اقش, كانادا, گەرمانيا, تۇركيادا, رەسەيدە وسىنداي ءتارتىپ بار. بىزدەگى تەستىنىڭ ءۇش كومپونەنتى بولادى. مەملەكەتتىك - قازاق ءتىلىن مەڭگەرۋ, كونستيتۋتسيا نەگىزدەرى مەن قازاقستان تاريحىن ءبىلۋ ەسكەرىلگەن. قازىر ارنايى جۇمىس توبىن قۇرىپ جاتىرمىز. ءتيىستى ەرەجە مەن تەست سۇراقتارى ازىرگە دايىن ەمەس. وسى تەستىنى دايىنداۋ كەرەك», دەدى ۆەدومستۆو باسشىسى.
مينيستر بۇل جۇمىستىڭ جەدەل تارتىپتە ىسكە اساتىنىن ايتتى.
ەسكە سالا كەتەيىك, بيىل پارلامەنت كوشى-قون سالاسىنداعى زاڭنامانى جەتىلدىرۋ تۋرالى زاڭدى قارادى. ونىڭ اياسىندا قازاقستان رەسپۋبليكاسىنىڭ ازاماتتىعىن العىسى كەلەتىن شەتەلدىكتەرگە قازاق ءتىلىن مەڭگەرۋ مىندەتتەلەدى.
قىرمىزى جۇماعاليقىزى,
ەۇۋ ستۋدەنتى
