فوتو: gov.kz
وسى وقيعاعا بايلانىستى اقمولا وبلىسى ءبىلىم باسقارماسى رەسمي مالىمدەمە جاسادى.
زەرەندى اۋداندىق ءبىلىم ءبولىمىنىڭ مالىمەتىنشە, قازىر بۇل ماسەلە ەرەكشە باقىلاۋعا الىنعان.
اقمولا وبلىسى بويىنشا سانيتارلىق-ەپيدەميولوگيالىق باقىلاۋ دەپارتامەنتىنىڭ زەرەندى اۋداندىق سانيتارلىق-ەپيدەميولوگيالىق باقىلاۋ بولىمىنە زەرەندى اۋىلىنداعى №1 ورتا مەكتەپتىڭ اسحاناسىنا جوسپاردان تىس تەكسەرۋ تاعايىنداۋ تۋرالى سۇرانىس جىبەرىلدى.
«مايدانوۆ» جەكە كاسىپكەر اتىنا كەلىسىمشارتتى مەرزىمىنەن بۇرىن بۇزۋ تۋرالى ۇسىنىستى قاراۋ تۋرالى حابارلاما جولداندى. سەبەبى ءبىلىم ءبولىمىنىڭ قازىرگى ۋاقىتتا سانيتارلىق-ەپيدەميولوگيالىق باقىلاۋ دەپارتامەنتىمەن تەكسەرۋ جاساماي, بىرجاقتى تارتىپتە كەلىسىمشارتتى بۇزۋ مۇمكىندىگى جوق. بۇگىنگى تاڭدا ءموبيلدى توپ ءبىلىم بەرۋ جانە سانيتارلىق-ەپيدەميولوگيالىق باقىلاۋ دەپارتامەنتى جەلىسى ارقىلى قىزمەتتىك تەكسەرىس باستادى», دەلىنگەن وبلىستىق ءبىلىم باسقارماسىنىڭ حابارلاماسىندا.
ەگەر تەكسەرىس ناتيجەلەرى بويىنشا فاكتىلەر راستالسا, وندا «مايدانوۆ» جك-مەن تاماقتانۋ قىزمەتىن كورسەتۋ تۋرالى شارت توقتاتىلادى. جاۋاپتى تۇلعالار زاڭدا بەلگىلەنگەن تارتىپپەن جازالانادى.
