زەينەتاقىنى ۋاقتىلى رەسىمدەۋدىڭ ماڭىزى

قوردان زەينەتاقى تولەمدەرىن زەينەت جاسىنا تولۋى­نا بايلانىستى تاعايىنداۋعا  تۇرعىلىقتى جەرى بويىنشا حالىققا قىزمەت كورسەتۋ ورتا­لىعىنا (حقو), ال ءبىرىنشى نەمەسە ەكىنشى توپتاعى مۇگەدەكتىكتىڭ بەلگىلەنۋىنە بايلانىستى تولەم الۋعا قور بولىمشەلەرىنە, ەلەكتروندىق تسيفرلىق قولتاڭباسى بار بولسا, بجزق سايتى ارقىلى ۋاقتىلى جۇگىنۋى قاجەت. الۋشى زەينەت جاسىنا تولعانعا دەيىن 10 كۇن بۇرىن حقو-عا وتىنىشپەن بىرگە قاجەتتى قۇجاتتارىن وتكىزۋى كەرەك.

ء«بىز وسى مەرزىمدى قاتاڭ ساقتاۋعا كەڭەس بەرەمىز. سەبەبى بۇل مەملەكەتتىك زەينەتاقىنى الۋدا وتە ماڭىزدى, ونى تاعايىنداۋعا ۇسىنىلعان قۇجاتتار بويىنشا ەڭبەك ءوتىلىن تەكسەرۋ قاجەت. وعان قوسا زاڭناماعا سايكەس جاسىنا بايلانىس­تى زەينەتاقى جانە مەملەكەتتىك بازالىق تولەم تاعايىنداۋ ءوتىنىش بەرىلگەن كۇننەن باستاپ جۇرگىزىلەدى. مۇنداي كۇن ءوتىنىش پەن قاجەتتى قۇجاتتار «ازاماتتارعا ارنالعان ۇكىمەت» مەملەكەتتىك كورپوراتسياسىندا تىركەلگەن كۇن ەسەپتەلەدى», دەلىنگەن حابارلامادا.

بجزق مالىمدەگەندەي, جاسى بويىنشا زەينەتاقىنى جالپىعا بىردەي بەلگىلەنگەن زەينەت جاسىنا جەتكەن ادامدار, مىسالى, وسى جىلى 63 جاسقا تولعان ەرلەر مەن 61 جاسقا تولعان ايەلدەر الا الادى. بجزق-دان بەرىلەتىن زەينەتاقى تولەمدەرى زەينەتاقى جيناقتارى تاۋسىلعانعا دەيىن جۇزەگە اسىرىلادى. سونىمەن قاتار پرواكتيۆتى قىزمەت كورسەتۋ ماقساتىندا زەينەت جاسىنا تولعان, قوردا زەينەتاقى جيناقتارى بار, بىراق تولەم الۋعا ءوتىنىش بىلدىرمەگەن تۇلعالار بويىنشا بجزق مەملەكەتتىك كورپوراتسيامەن بىرلەسىپ, وسىنداي ازاماتتاردا جاسىنا بايلانىستى تاعايىندالعان زەينەتاقى تولەمدەرىنىڭ, بيۋدجەت قاراجاتى ەسەبىنەن مەملەكەتتىك بازالىق زەينەتاقى تولەمدەرىنىڭ بار-جوقتىعىن جىل سايىن سالىستىرىپ, تەكسەرۋ جۇمىستارىن جۇرگىزەدى.

جىل سايىنعى سالىستىرۋ ناتيجەلەرى بويىنشا بيۋدجەت قاراجاتى ەسەبىنەن تاعايىندالعان زەينەتاقى تولەمدەرى بار ادامدار انىقتالعان كەزدە بجزق ولارعا مەملەكەتتىك كورپوراتسيامەن جاسالعان ءتيىستى كەلىسىم شەڭبەرىندە زەينەتاقى تولەمدەرىن جۇزەگە اسىرادى. مىسالى, وسى جىلدىڭ 1 ناۋرىزىنا جىل سايىنعى سالىس­تىرۋ ناتيجەلەرىنە سايكەس زەينەتاقى جاسىنا تولعان, بجزق-دا زەينەتاقى جيناقتارى بار, ونى تولەۋگە ءوتىنىش بىلدىرمەگەن شامامەن 200 مىڭ ادام مەملەكەتتىك كورپوراتسيانىڭ مالىمەتتەرى بويىنشا انىقتالدى. اتاپ ايتقاندا, 45 مىڭعا جۋىق ادام جاسىنا بايلانىستى زەينەتاقى تولەمدەرىن, بازالىق زەينەتاقى المايدى. شامامەن 92 مىڭ ادام بيۋدجەت قاراجاتى ەسەبىنەن جاسىنا بايلانىستى, بازالىق زەينەتاقى, ەڭبەك سىڭىرگەن جىلدارى ءۇشىن زەينەتاقى تولەمدەرىن الادى, ونىڭ ىشىندە بيىل 20 مىڭعا جۋىق ازامات بجزق-دان زەينەتاقى تولەمىن الۋعا تۇرعىلىقتى جەرى بويىنشا حقو-عا ءوز بەتىنشە ءوتىنىش ءبىلدىردى. 72 مىڭعا جۋىق ازاماتقا سالىستىرۋ ناتيجەلەرى بويىنشا بجزق-دان زەينەتاقى تولەمدەرى پرواكتيۆتى فورماتتا تاعايىندالدى. سونىمەن قاتار شامامەن 63 مىڭ ادام – رەسپۋبليكادان تىس جەرلەرگە تۇراقتى تۇرۋعا كەتكەن, نە قايتىس بولعان ادامدار ساناتىندا.

وسىلايشا, جوعارىدا كورسەتىلگەن سالىستىرىپ تەكسەرۋ ناتيجەلەرى بويىنشا بجزق وسى جىلدىڭ ناۋرىز-ءساۋىر ايلارىندا 70 مىڭنان اسا ازامات حقو-عا پرواكتيۆتى فورماتتا جۇگىنبەسە دە ولارعا زەينەتاقى تولەمدەرىن جۇزەگە اسىردى.