«Alatau Hub» ەلدەگى باسقا دا وڭىرلىك يننوۆاتسيالىق ورتالىقتار سياقتى, «Astana Hub» ء بىلىم بەرۋ جانە ينكۋباتسيالىق باعدارلامالارىن تاراتىپ, ميتاپتار, «Pizza Pitch» , ۆوركشوپتار, «Speaker Talks», «Idea Battle», ت.ب. سياقتى ءتۇرلى ءىس-شارالاردى وتكىزۋگە ارنالعان باستى الاڭعا اينالادى. بۇل وقيعالار سالادا IT-قاۋىمداستىقتىڭ قالىپتاسۋى مەن دامۋىنا, سونداي-اق ءبىلىم مەن تاجىريبە الماسۋعا ىقپال ەتەدى. حابتىڭ اشىلۋى اياسىندا ەلىمىزدىڭ ءىرى IT-كومپانيالارىنىڭ كورمەسى ۇيىمداستىرىلدى.
«IT-حابتى اشۋ – تەحنولوگيالىق ينفراقۇرىلىمدى دامىتۋداعى, وڭىردەگى يننوۆاتسيالىق يدەيالاردى قولداۋداعى ماڭىزدى قادام. «Alatau Hub» الماتى وبلىسىنىڭ IT-قوعامداستىعىن دامىتۋدا جاڭا ستاندارتتاردى بەلگىلەيدى. ونىڭ ماقساتى – تەحنولوگيالىق كاسىپكەرلىكتى ناسيحاتتاۋ, ستارتاپ-مادەنيەتتى قالىپتاستىرۋ, وڭىردە IT-سالانى, تسيفرلىق ءبىلىم بەرۋدى دامىتۋ», دەدى الماتى وبلىسى اكىمى اپپاراتىنىڭ باسشىسى مۇرات ماديگۋلوۆ.
بۇل «Astana Hub» باسقارۋىمەن ىسكە قوسىلعان 14-وڭىرلىك حاب. نەگىزگى ماقسات – وسى جىلدىڭ سوڭىنا دەيىن ەلىمىزدىڭ بارلىق وڭىرلەرىن قامتۋ.
ء«بىزدىڭ ايماقتىق حابتار يننوۆاتسياعا, كاسىپكەرلىككە, تەحنولوگيالىق ۇدەرىسكە ىقپال ەتەتىن ەكوجۇيەنى قۇرۋدا, قولداۋدا شەشۋشى ءرول اتقارادى. جاستار تەك وقۋعا عانا ەمەس, سونىمەن قاتار ءوز ءبىلىمىن ءىس جۇزىندە قولدانۋعا, كومپانيالارى مەن يننوۆاتسيالىق ونىمدەرىن قۇرۋعا مۇمكىندىك الادى. بۇل جاڭا جۇمىس ورنىنىڭ پايدا بولۋىنا, ەكونوميكانىڭ وسۋىنە, حالىقارالىق ارەنادا ەلدىڭ باسەكەگە قابىلەتتىلىگىنىڭ ارتۋىنا ىقپال ەتەدى», دەدى «Astana Hub» باسقارۋشى ديرەكتورى دانيا احمەتوۆا.
