AtyrauPress جازعانداي, كەشە اتالعان ءىستى الماتى وبلىسىنىڭ سوتى ونلاين رەجيمدە قاراعان. ءانشى جاڭا جىلدىق كورپوراتيۆ كەشىندە ونەر كورسەتۋى ءتيىس بولاتىن.
الايدا, ۇيىمداستىرۋشىلار ءانشىنىڭ شامامەن 5 ملن تەڭگە بولاتىن شىعىستارىن جابا المايتىندىقتان كونتسەرتتى وتكىزبەيتىن بولىپ شەشىم قابىلداپ, بۇل جونىندە ونى 42 كۇن بۇرىن ەسكەرتكەن.
جابىرلەنۋشىنىڭ سوزىنشە, ول ءانشىنىڭ اناسى گۇلزيرا ايداربەكوۆامەن اۋىزشا كەلىسكەن. ال 1000 دوللار كولەمىندەگى اۆانس سوماسىن الماتىدا ءانشىنىڭ وكىلدەرىنە بەرىپتى.
«كونتسەرتتىڭ وتپەيتىنىن ايتقانىمدا مەنەدجەر اقشانىڭ قايتارىلمايتىنىن ماعان وتە دورەكى تۇردە جەتكىزدى. كەيىن اۋديوجازبالارىن ءوشىرىپ تاستادى. مەن ءارتىستى سوتقا بەردىم. ءبىرىنشى وتىرىستا جەڭىلىپ قالدىق, بىراق مەن تاعى دا شاعىمداندىم. سەبەبى, اقشامدى قايتارعىم كەلەدى», دەيدى كاسىپكەر ولگا حۆان.
سوت جابىرلەنۋشىنىڭ تالابىن قاناعاتتاندىرمادى. ەندى ول جوعارى سوتتا التى اي ىشىندە سوت شەشىمىنە شاعىمدانا الادى.
