الەۋمەتتىك جەلىدە بۇل وقيعانىڭ بەينەجازباسى قىزۋ تالقىلاندى.
سول تاربيە بەرۋ ۇيىمىنىڭ جابىلعانى بەلگىلى بولدى. ال بۇلدىرشىندەرگە قول جۇمساعان قىزمكەتكەرلەر جۇمىستان قۋىلعان.
جەرگىلىكتى اكىمدىك مەكەمەنىڭ ون كۇنگە جابىلعانىن حابارلادى. سونداي-اق تاربيەشىلەر مەن بالاباقشا مەڭگەرۋشىسىنىڭ جۇمىستان بوساتىلعانىن ايتتى.
- 15 مامىر كۇنى ءبىلىم جانە پوليتسيا ءبولىمىنىڭ قىزمەتكەرلەرى بالاباقشاداعى بەينەباقىلاۋ كامەرالارىن قاراپ,تەكسەرۋ جۇمىستارىن جالعاستىرۋدا. بالاباقشا مەڭگەرۋشىسى مەن تاربيەشىنىڭ كومەكشىسى جانە نەگىزگى تاربيەشى, ۇشەۋى 15 مامىر كۇنى جۇمىستان بوساتىلدى. قر قك 140-بابى 3-تارماعى بويىنشا سوتقا دەيىنگى تەرگەۋ باستالدى, - دەپ جاۋاپ بەردى پانفيلوۆ اۋدانى اكىمىنىڭ ءباسپاسوز حاتشىسى نۇربول حاناعات.
ايتا كەتەيىك, بۇل وقيعا جەتىسۋ وبلىسى, جاركەنت قالاسىنداعى بالاباقشالاردىڭ بىرىندە بولعان.
الەۋمەتتىك جەلىدە تاراعان بەينەجازبادان ءبىر توپ اتا-انانى بايقاۋعا بولادى. ولار بالاباقشاداعى بەينەباقىلاۋ كامەراسىنىڭ جازباسىنان ءوز پەرزەنتتەرىن اياۋسىز ۇرىپ-سوققانىن جۇرەگى ەزىلە كورىپ وتىر.
- تىپ-تىنىش وتىرعان بالامدى سالىپ قالدى, - دەيدى انالاردىڭ بىرەۋى.
