فوتولار: ۆيدەوسكرين. وبلىستىڭ تج جونىندەگى جەدەل شتابى
قالانىڭ كوپتەگەن تۇرعىندارى مامانداردىڭ زالالدى باعالاۋ ناتيجەلەرىن وڭ قابىلداپ وتىر. سوندىقتان دا ولار قىسقا مەرزىم ىشىندە ءوتىنىش بەرۋگە نيەتتى.
«مەن بۇعان دەيىنگى سۇحباتتارىمدا دا ايتتىم. ءار شارشى مەترگە 400 مىڭ تەڭگە دەگەن اۋاداعى اقشانى سۇرامايمىن. ماعان قاناعاتتاناتىن سوما بەرسە بولدى. ءۇيىمنىڭ ءار 1 شارشى مەترى 240 مىڭ تەڭگەدەن باعالانسا ريزامىن. ەگەر مەنىڭ ءۇيىم 25 ملن تەڭگەگە باعالانعان بولسا, ماعان ءار شارشى مەترگە 240 مىڭ تەڭگەدەن تولەنگەنى تىپتەن ءتيىمدى. مەنىڭ وتباسىم ءۇشىن تۇرعىن ءۇي ماسەلەسى وتە وتكىر تۇر», دەدى قۇلسارى قالاسىنىڭ تۇرعىنى جايلاش مۇقانوۆا.
كەلتىرىلگەن ماتەريالدىق زالال ءۇشىن وتەماقى تولەۋ ءۇشىن قۇجاتتاردى دايىنداۋ 10 كۇنگە سوزىلادى. قازىرگى ۋاقىتتا جىلجىمايتىن م ۇلىككە تەحنيكالىق تەكسەرۋ جانە باعالاۋ جۇرگىزۋ جالعاسىپ جاتىر. قازىرگى ۋاقىتتا بارلىعى 2 مىڭ 940 ءوتىنىش قابىلدانىپ, 2 مىڭ 727 ءوتىنىش قاراۋعا جىبەرىلگەن. 2 مىڭ 624 ۇيگە باعالاۋ جۇرگىزىلىپ, 2 مىڭ 671 ۇيگە تەحنيكالىق تەكسەرۋ جۇرگىزىلدى. 756 اپاتتى ءۇي دەپ تانىلدى.
