فوتو: شقو پد
شقو پوليتسيا دەپارتامەنتىنىڭ مالىمەتىنشە, ازامات قۇقىق قورعاۋ ورگاندارىنا حابارلاسىپ, كومەك سۇراعان. ول ءوز سوزىندە ەر ادامنىڭ ءوزىن عانا ەمەس, وتباسىن دا قورقىتىپ, ودان 1 ميلليون تەڭگە بوپسالاعانىن ايتتى.
«جەدەل-تەرگەۋ امالدارىنىڭ ناتيجەسىندە شىعىسقازاقستاندىق جەدەل ۋاكىلدەر بۇرىن سوتتالعان 37 جاستاعى قالا تۇرعىنىن 200 000 تەڭگە الۋ كەزىندە ۇستادى. بوپسالاۋشى ءوز كىناسىن تولىقتاي مويىنداپ وتىر. ونىڭ زاڭسىز ارەكەتتەرىن راستايتىن قولما-قول اقشا تاركىلەندى», دەلىنگەن اقپاراتتا.
بۇگىندە اتالعان فاكتى بويىنشا سوتقا دەيىنگى تەرگەۋ امالدارى جۇرگىزىلىپ جاتىر. كۇدىكتىگە مۇلكى تاركىلەنىپ, ءۇش جىلدان جەتى جىلعا دەيىنگى مەرزىمگە باس بوستاندىعىن شەكتەۋ نەمەسە سول مەرزىمگە باس بوستاندىعىنان ايىرۋ جازاسى قاراستىرىلعان.
قىرمىزى جۇماعاليقىزى,
ەۇۋ ستۋدەنتى
