فوتو: Uakyt.kz
جىلىوي اۋدانىنىڭ اكىمى جۇمابەك قاراجانوۆ سۋ تاسقىنىنان زارداپ شەككەن ۇيلەردىڭ تۇرعىندارى ءساۋىر, مامىر, ماۋسىم ايلارىندا كوممۋنالدىق قىزمەتتەر ءۇشىن تولەمنەن بوساتىلاتىنىن ايتتى.
قازىرگى ۋاقىتتا قۇلسارى قالاسى اۋىز سۋمەن تولىق قامتاماسىز ەتىلىپ جاتىر. ەلەكتر قۋاتىنا بارلىعى 2870 ءۇي قوسىلدى, سۋ باسقان ايماقتاردا ورنالاسقان 3084 ءۇي گازبەن جابدىقتالدى.
«تۇرعىندارعا ناۋرىز ايىنا كوممۋنالدىق تولەمدەردى (قتق, ەلەكتر ەنەرگياسى, گاز جانە اۋىز سۋ ءۇشىن) تولەۋگە تۇبىرتەكتەر تاراتىلادى. الايدا قالا تۇرعىندارى وزدەرىنە ىڭعايلى كەز كەلگەن ۋاقىتتا تولەم بويىنشا قارىزىن وتەي الادى», دەدى جۇمابەك قاراجانوۆ.
اۋدان اكىمى قۇلسارى قالاسىندا كوممۋنالدىق قىزمەتتەرگە تاريفتەردى كوتەرۋ فاكتىلەرى تىركەلمەگەنىن اتاپ ءوتتى.
