سۋرەتتى تۇسىرگەن – ۆالەري بۋگاەۆ
وبلىس ورتالىعىنداعى جولاۋشىلار تاسىمالىن ۇيىمداستىراتىن ءىرى كومپانيا – «№1 اۆتوبۋس پاركى» جشس جالپى سىيىمدىلىعى 56 ادامعا ارنالعان ءبىرىنشى ساناتتاعى «Isuzu» ماركالى اۆتوبۋستارىن ساتىپ الدى. وسى اپتادا العاشقى 30 اۆتوبۋس جەتكىزىلدى. قوعامدىق كولىكتەردە جولاۋشىلارعا ىڭعايلى جاعدايلار جاسالعان. مۇمكىندىگى شەكتەۋلى ازاماتتاردىڭ ءمىنىپ-تۇسىنە ارنالعان اپپارەلمەن, سالقىنداتقىشپەن جانە تاعى باسقا قاجەتتى قۇرال-اسپاپتارمەن جابدىقتالعان.
جاڭا اۆتوبۋستار №115 جانە №126 باعىتتار بويىنشا قالا كوشەلەرىنە شىعادى. بۇعان دەيىن اتالعان باعىتتاردىڭ جۇمىسىنا قاتىستى قالا تۇرعىندارىنان شاعىم ءجيى تۇسكەن. №115 باعىتتا 10 اۆتوبۋس جانە №126 باعىتتا 16 اۆتوبۋس جۇرەدى. ال 4 اۆتوبۋس رەزەرۆتە بولادى. قوزعالىس ارالىعى ەكى ەسە قىسقارىپ, 10 مينۋتتى قۇرايدى.
قالا تۇرعىندارىنا ىڭعايلى بولۋ ءۇشىن قوعامدىق كولىكتى جاڭارتۋ تاجىريبەسى باسقا دا اۆتوپاركتەردە, سونداي-اق ترامۆاي دەپوسىندا جۇزەگە اسىرىلۋعا ءتيىس دەگەن تالاپ قويىلىپ وتىر. پاۆلودار ترامۆاي باسقارماسى جاڭادان 70 ترامۆاي ساتىپ الۋدى جوسپارلاپ قويدى.
پاۆلودار وبلىسى
