ۋكراينا پرەزيدەنتى قازاقستانعا رەسمي ساپارمەن كەلەدى

استانا. 13 قاڭتار. بيىلعى جىلدىڭ ءبىرىنشى توقسانىندا ۋكراينا پرەزيدەنتى پەتر پوروشەنكونىڭ قازاقستانعا رەسمي ساپارى جوسپارلانعان. بۇل تۋرالى nur.kz حابارلادى. «2015 جىلدىڭ ءبىرىنشى توقسانىندا ۋكراينا پرەزيدەنتى پەتر پوروشەنكونىڭ قازاقستانعا ساپارى جوسپارلانىپ وتىر. ساپار اياسىندا ەكونوميكالىق ارىپتەستىك بويىنشا مەملەكەتارالىق كوميسسيانىڭ 12-ءشى وتىرىسى وتكىزىلەدى. بولاشاقتا اۆياقۇرىلىس جانە عارىشتى زەرتتەۋ سالالارىندا ەكىجاقتى ءىرى جوبالاردى ىسكە اسىرۋ دايىندالۋدا», – دەپ مالىمدەدى ۋكراينانىڭ قازاقستانداعى ۋاقىتشا سەنىمدى وكىلى يۋري لازەبنيك. ونىڭ ايتۋىنشا, ۋكرايناداعى جاعدايدى رەتتەۋ اياسىندا استانادا ۋكراينا, فرانتسيا, رەسەي جانە گەرمانيا باسشىلارىنىڭ قاتىسۋىمەن كەزدەسۋ وتكىزىلەدى. «قازاقستان تاراپى مۇنداي كەزدەسۋدى ۋاقىتى بەلگىلى بولىسىمەن وتكىزۋگە كەلىسىمىن بەرىپ وتىر. بۇل باسقوسۋدا, ۋكراينا پرەزيدەنتى بىرنەشە رەت اتاپ وتكەندەي, وتكەن جىلدىڭ قىركۇيەگىندە قول جەتكىزىلگەن مينسك كەلىسىمدەرىنىڭ تولىق ورىندالۋىن قامتاماسىز ەتۋ قارالادى. سول كەلىسىم ورىندالۋى ءتيىس», – دەدى يۋ.لازەبنيك. ايدار ورىسباەۆ. دەرەك: nur.kz. سۋرەت: tass.com.