فوتو: وقۋ-اعارتۋ مينيسترلىگى
IBO-2024 بيىلعى جىلدىڭ 7-14 شىلدەسى ارالىعىندا نازارباەۆ ۋنيۆەرسيتەتى بازاسىندا تەوريالىق جانە 4 پراكتيكالىق تۋر (بيوحيميا, مولەكۋلالىق بيولوگيا, بيوينفورماتيكا, جانۋارلار اناتومياسى جانە فيزيولوگياسى) بويىنشا وتكىزىلەدى.
قازاقستاننىڭ جاس عالىمدارى مەن وتكەن حالىقارالىق وليمپيادالاردىڭ جەڭىمپازدارىنان تۇراتىن IBO-2024 عىلىمي كوميتەتى پراكتيكالىق جانە تەوريالىق تۋرلارعا تاپسىرمالار ازىرلەپ, وسى جىلدىڭ ناۋرىز ايىندا سترەسس-تەست جۇرگىزدى.
«بيولوگيادان حالىقارالىق وليمپيادانى جوعارى دەڭگەيدە وتكىزۋ ماقساتىندا قازاقستان رەسپۋبليكاسى ۇكىمەتىنىڭ بىرلەسكەن قاۋلىسى قابىلداندى. الەمنىڭ 81 ەلىنەن كەلگەن وقۋشىلار ەلوردانىڭ مادەني ورىندارىن ارالايدى جانە قازاقستاننىڭ ءىنجۋ-مارجانى – بۋرابايعا بارادى. سونداي-اق كوماندا جەتەكشىلەرى كاسىبي تاجىريبە الماسۋعا, وليمپيادانى ۇيىمداستىرۋ مەن وتكىزۋگە ارنالعان سەمينارلار مەن كونفەرەنتسيالارعا قاتىسا الادى», دەيدى «دارىن» رعپو ديرەكتورى عاجدەمبەك تۇرسىنوۆ.
بيولوگيا پانىنەن حالىقارالىق وليمپيادا (IBO) – الەم ەلدەرىنىڭ جوعارى سىنىپ وقۋشىلارى اراسىنداعى ەڭ اۋقىمدى جارىس. قازاقستان وقۋشىلارى عىلىمي جارىسقا 1996 جىلدان بەرى قاتىسىپ كەلەدى. وسى ۋاقىت ىشىندە ولار 2 التىن, 20 كۇمىس, 54 قولا مەدال جانە 14 قۇرمەت گراموتاسىن جەڭىپ الدى, بۇل جوعارى كورسەتكىش بولىپ سانالادى. قازاقستاننىڭ وسىنداي بەدەلدى ءىس-شارانى وتكىزۋ ورنى رەتىندە تاڭدالۋى دا سوندىقتان.
