فوتو: juldyz.info
« ۇلىتاۋدىڭ ۇرانى – ۇلار, ۇلار» دەپ ءجۇرسىن ەرمان جىرلاعانداي, ۇيىم اتاۋى تەگىننەن-تەگىن وسىلاي قويىلماسا كەرەك-ءتى. جاس اقىنداردىڭ جالقىن جىرلارىن تىڭداعان حالىق « ۇلىتاۋدىڭ ۇلارى كوشكەنمەن, جىر-ءانى وشپەگەن ەكەن» دەگەن نيەتپەن ىستىق ىقىلاسىن ءبىلدىردى.
ولەڭ كەشىنە ەلىمىزگە بەلگىلى زيالى قاۋىم وكىلدەرى قاتىستى. ونىڭ ىشىندە اقىن, فيلولوگيا عىلىمدارىنىڭ دوكتورى, پروفەسسور جانات اسكەربەكقىزى, گەرالديكالىق زەرتتەۋلەر ورتالىعىنىڭ ديرەكتورى قالقامان سارين, «التىن توبىلعى» ادەبي سىيلىعىنىڭ لاۋرەاتى ۇمتىل زارىققان, جازۋشى, دراماتۋرگ, قازاق ۇلتتىق ونەر اكادەمياسىنىڭ وقىتۋشىسى ۇلاربەك نۇرعالىم ۇلى باستاعان قالام يەلەرى قۇتتىقتاۋ ءسوزىن ايتىپ, جاس اقىنداردىڭ جولىنا ساتتىلىك تىلەدى.
سونداي-اق كەش بارىسىندا اقىن, «ۇلار» ادەبي كلۋبىنىڭ توراعاسى اباي ورازدىڭ «سەنىڭ اتىڭ – جاۋقازىن» جىر جيناعىنىڭ تانىستىرىلىمى ءوتتى. جيناقتا اقىننىڭ ليريكالىق مازمۇنداعى ولەڭدەرى توپتاستىرىلعان. كىتاپ «كاۋسار» باسپاسىنىڭ ديرەكتورى قۋات قۇرمانسەيىتتىڭ قولداۋىمەن جاريالاندى.
كەشتىڭ قورىتىندى بولىگىندە جەزقازعان قالاسىنىڭ 70 جىلدىق مەرەيتويى اياسىندا ۇيىمداستىرىلعان «كەڭگىر كەرىمسالى» اتتى جاس اقىنداردىڭ رەسپۋبليكالىق فەستيۆالى وتەتىنى حابارلاندى.
