فوتو: دەنە مۇمكىندىكتەرى شەكتەۋلى تۇلعالارعا ارنالعان سپورتتىق دايارلاۋ ورتىلىعى
«چەمپيوناتتىڭ فينالى ا جانە ۆ توپتارى اراسىندا ءوتتى. جاڭىل بالتاباەۆا ۆ توبىندا سىنعا ءتۇستى. مارەگە ءبىرىنشى جەتكەن سپورتشىدان 0,38 سەكۋند قانا قالىپ قويدى. جارىستىڭ ەرەجەسىنە سايكەس ا توبىنىڭ 7 سپورتشىسى جانە ۆ توبىنىڭ 3 سپورتشىسى پاريج-2024 پاراليمپيادا ويىندارىنا جولداما الادى», دەدى دەنە مۇمكىندىكتەرى شەكتەۋلى تۇلعالارعا ارنالعان سپورتتىق دايارلاۋ ورتالىعىنىڭ كوماندا باسشىسى ەرسۇلتان جولشيەۆ.
جاڭىل بالتاباەۆا پاراليمپيادا ويىندارىنا ەلىمىزدىڭ 12-ءشى ليتسەنزياسىن يەلەندى. بۇعان دەيىن پارا كانوەدان سپاتاي بيبارىس, پارا پاۋەرليفتينگتەن داۆيد دەگتيارەۆ, پارا جەڭىل اتلەتيكادان داستان مۇقاشبەكوۆ, ۆولەيبولدى وتىرىپ ويناۋدان ۇلتتىق قۇراما, پارا وق اتۋدان ەركىن عابباسوۆ, پارا جۇزۋدەن 3 جولداما, پارا تاەكۆوندودان نۇرلان دومباەۆ, كاميليا دوسمالوۆا, نىشان ومىرالىلەر العان ەدى.
ەسكە سالايىق, پاريج-2024 پاراليمپيادا ويىندارى 28 تامىزدا باستالىپ, 8 قىركۇيەككە دەيىن وتەدى.
