فوتو: ۇكىمەت
ۇكىمەتتىڭ ءباسپاسوز قىزمەتى جاريالاعانداي, 20 601 وتباسى 7,4 ملرد تەڭگەدەن استام سوماعا 100 اەك مولشەرىندە بىرجولعى تولەم العان. مال شىعىنى ءۇشىن بەرىلگەن مەملەكەتتىك كومەك كولەمى 1,1 ملرد تەڭگەدەن استى.
130 وتباسى ەسكى تۇرعىن ۇيلەرىنىڭ ورنىنا جاڭا باسپاناعا يە بولدى. بۇل رەتتە اقتوبە, قوستاناي, سولتۇستىك قازاقستان, پاۆلودار وبلىستارىندا زارداپ شەككەندەرگە بەرىلەتىن 239 جاڭا ءۇي سالىنىپ جاتىر. سونىمەن قاتار 568 وتباسى 710 ملن تەڭگەدەن استام سوماعا تۇرعىن ءۇيدى جوندەۋگە جانە قالپىنا كەلتىرۋگە وتەماقى الدى. جالپى العاندا زارداپ شەككەن وڭىرلەردە 9995 تۇرعىن ءۇي تەكسەرىلىپ, 7522 نىساندا باعالاۋ جۇمىستارى جۇرگىزىلدى.
زالالدى وتەۋ جۇمىستارى جالعاسىپ جاتىر جانە ۇكىمەتتىڭ قاتاڭ باقىلاۋىنا الىنعان. پرەزيدەنت تاپسىرماسى بويىنشا بارلىق زارداپ شەككەن ازاماتقا جان-جاقتى كومەك پەن قولداۋ كورسەتىلەدى.
