فوتو: azh.kz
«شەگىرتكەنىڭ تابيعي تۇردە ەڭ كوپ تارالۋى بيىل, 2024 جىلعا كەلىپ تۇر. بۇل ماسەلەگە قاتاڭ جاۋاپكەرشىلىكپەن قاراۋ كەرەك. اۋىل شارۋاشىلىعى مينيسترلىگىنە وبلىس اكىمدىكتەرىمەن بىرلەسىپ, زيانكەستەردىڭ تارالۋ ورىندارىن انىقتاۋعا قوسىمشا رەسۋرس جۇمىلدىرۋدى جانە وڭدەۋ جۇمىستارىن باقىلاۋعا الۋدى تاپسىرامىن», دەدى بەكتەنوۆ ۇكىمەت وتىرىسىندا.
اۋىل شارۋاشىلىعى ءمينيسترى ايداربەك ساپاروۆتىڭ ايتۋىنشا, بىلتىر ماۋسىم ايىندا شەگىرتكەلەردىڭ تارالۋ اۋماعىنىڭ ۇلكەن بولۋىنا بايلانىستى وسى جىلى 2,5 ملن گا الاڭدا حيميالىق وڭدەۋ جۇرگىزۋ جوسپارلانىپ وتىر.
«ەڭ كوبى اقتوبە وبلىسىندا - 784 مىڭ گەكتار, قوستاناي وبلىسىندا - 775 مىڭ گەكتار جانە تۇركىستان وبلىسىندا - 272 مىڭ گەكتار الاڭدا تارالادى دەپ كۇتىلۋدە. وڭدەۋ جۇرگىزۋ ءۇشىن بارلىق قاجەتتى رەسۋرس بار», دەدى ول.
بيىل ءۇيىرلى شەگىرتكەلەرمەن كۇرەسۋ ءۇشىن رەسپۋبليكالىق بيۋدجەتتەن 8,1 ميلليارد تەڭگە بولىنگەن. پەستيتسيدتەر قورى دەر كەزىندە ساتىپ الىندى. وڭدەۋ جۇمىستارىن جۇرگىزۋ ءۇشىن قاجەتتى تەحنيكالار جەتكىلىكتى.
