وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى ازامات مامبەتوۆتىڭ ايتۋىنشا, جەڭىس كۇنى قارساڭىندا 2 060 ادامعا بىرجولعى الەۋمەتتىك كومەك بەرۋ ۇيعارىلعان. بۇل ماقساتقا جەرگىلىكتى بيۋدجەتتەن 218,5 ميلليون تەڭگە بولىنگەن.
ە.ابساتىروۆانىڭ بالالىق شاعى كونتسلاگەردە وتكەن. ويتكەنى ونىڭ اجەسى, اكەسى مەن شەشەسى 9 بالامەن كارەلياعا كوشىپ بارعان. ال 1941 جىلى سوعىس باستالعاندا ءبارى تۇتقىنعا تۇسكەن. ءۇش جىلدىڭ ىشىندە ءۇش كونتسلاگەردە بولعان.
1950 جىلى ۆاگاف ابساتىروۆقا تۇرمىسقا شىعىپ, 1968 جىلى اتىراۋ قالاسىنا كوشىپ كەلگەن. كۇيەۋى مۇناي كومپانياسىندا, ازاماتتىق قورعانىس سالاسىندا جۇمىس ىستەگەن. ءوزى لوكوموتيۆ دەپوسىندا جۇمىس ىستەپ, زەينەتكە شىققان. قازىر كونتسلاگەردىڭ كامەلەتكە تولماعان تۇتقىنى رەتىندە ءتۇرلى جەڭىلدىكتى پايدالانىپ وتىر.
«اجەيگە جەڭىس كۇنىنە قارساڭىندا 1 ملن تەڭگە كولەمىندە الەۋمەتتىك كومەك بەرىلەدى. جەڭىسكە ۇلەس قوسىپ, ءتۇرلى ماراپاتقا يە بولعان 21 تىل ارداگەرىنىڭ ارقايسىسىنا بەرىلەتىن الەۋمەتتىك كومەكتىڭ مولشەرى – 100 مىڭ تەڭگە. تىلدا ەڭبەك ەتكەنىمەن, ەشقانداي ماراپات الماعان 903 ارداگەرگە 50 مىڭ تەڭگەدەن بىرجولعى اقشالاي كومەك كورسەتىلەدى», دەيدى ا.مامبەتوۆ.
1986-1987 جىلدارى چەرنوبىل اتوم ەلەكتر ستانساسىنداعى اپاتتى جويۋعا قاتىسقان 170 ارداگەرگە 150 مىڭ تەڭگەنىڭ الەۋمەتتىك كومەگى تولەنەدى. سونداي-اق باسقا مەملەكەتتەردىڭ اۋماعىنداعى ۇرىس قيمىلدارىنا قاتىسقان 965 ارداگەرگە دە وسىنداي كولەمدە قارجىلاي كومەك بەرۋ كوزدەلىپ وتىر.
اتىراۋ وبلىسى
