اسكەري ءپان مۇعالىمىنىڭ مارتەبەسىن كوتەرۋ ماڭىزدى

«اسكەري-ستراتەگيالىق زەرتتەۋلەر ورتالىعى» اق قورعانىس مينيسترلىگى ورتالىق اسكەري عىلىمي زەرتتەۋ ينستيتۋتىنىڭ باس مامانى, وتستاۆكاداعى پولكوۆنيك ايدار كيكيموۆ كونفەرەنتسيا مودەراتورى بولدى. سونىمەن قاتار كەزدەسۋدە «وڭتۇستىك» وڭىر­لىك قولباس­شىلىعى اسكەرلەرى قولباسشى­سىنىڭ ورىنباسارى, پولكوۆنيك وراز كۋچۋكوۆ, شىمكەنت قالاسى اكىمىنىڭ اسكە­ري قاۋىپسىزدىك جانە قورعا­نىس ماسەلەلەرى جونىندەگى كو­مەك­شىسى, پولكوۆنيك تيمۋر بيداي­بەكوۆ, قالالىق قورعانىس ىس­تە­رى دەپارتامەنتىنىڭ باسشى­سى, پولكوۆنيك ابدىعابيت شەگە­­باەۆ, سونداي-اق كۇشتىك قۇرى­لىمدارىنىڭ, توتەنشە جاع­داي­لار دەپارتامەنتىنىڭ وكىل­دەرى مەن قارۋلى كۇشتەردىڭ اردا­گەرلەرى ءسوز سويلەپ, وي-پىكىرلەرىن ورتا­عا سالدى. جيىندا اسكەرگە شاقى­رىلعانعا دەيىنگى جاستاردى اسكە­ري قىزمەتكە دايارلاۋ ساپاسى مەن وقۋ ورىندارىنداعى اسكەري-پاتريوتتىق جۇمىستىڭ مازمۇنى باستاپقى اسكەري تەحنولوگيالىق دايارلىق وقىتۋشىلارىنا باي­لانىستى ەكەنى ايتىلدى. سون­دىقتان بۇل ءپاندى وقىتاتىن مۇعا­لىمدەردى دايارلاۋدىڭ ماڭىز­دىلىعى ەرەكشە بولىپ تۇر.

وسى كونفەرەنتسيادا ءبىلىم بەرۋ جۇيەسىن دامىتۋ, وقىتۋ­شىلاردىڭ قۇزىرەتىن كەڭەي­تۋ ماسەلەسى كوتەرىلدى. باياندا­ماشىلار ءوز قىزمەت سالاسىنداعى ەرەكشەلىكتەر, جوعارى وقۋ ورىندارىنا ءتۇسۋ ءتارتىبى, سونداي-اق قىزمەت وتكەرۋ جاعدايىنداعى وزگەرىستەر تۋرالى اڭگىمەلەدى.

جيىن بارىسىندا وقۋشىلار سارايىنىڭ كىرەبەرىس زالىندا قوناقتار مەن قاتىسۋشىلار ءۇشىن قارۋلى كۇشتەردىڭ, شەكارا قىزمەتىنىڭ جانە ۇلت­تىق ۇلان­نىڭ اسكەري قىزمەت­شىلە­رىنىڭ قارۋ-جاراقتارى مەن اسكەري جابدىقتارىنىڭ كوشپەلى كورمە­سى ۇيىمداستىرىلدى. سونى­مەن قاتار توتەنشە جاعداي­لار دەپار­تامەنتىنىڭ وكىلدەرى قۇت­قا­رۋشى­لاردىڭ ارنايى جابدىق­تارىن تاماشالاتتى.

بۇدان بولەك, شىمكەنت قالا­سىنداعى «قارۋلى كۇشتەر اردا­گەرلەرى» كەڭەسىنىڭ توراعاسى, وتستاۆكاداعى پولكوۆنيك سەرىك­باي وڭباەۆ ەلىمىزدىڭ باتىرلارى ساعا­دات نۇرماعامبەتوۆ پەن راحىم­جان قوشقارباەۆتىڭ عاسىرلىق مەرەيتويىنا وراي دارىندى وقۋشىلاردىڭ قولى­مەن سالىنعان سۋرەتتەر مەن كىتاپ­تار كور­مە­سىن وتكىزدى. ارداگەر بيىل جۇز­­گە تولعان قوس باتىر تۋرالى اي­تا كەلىپ, ءوزىنىڭ قورعانىس سالاسى مينيسترلىگىندە قىزمەت اتقارىپ, تاۋەلسىز قازاق­ستاننىڭ قارۋلى كۇشتەرى كوز الدىندا قا­لىپ­تاسقانىن تەبىرەنە ەسكە الدى.

كونفەرەنتسيا سوڭى وقۋشىلار سارايىنىڭ شاكىرتتەرى قويعان پاتريوتتىق كونتسەرتكە ۇلاستى. مۋزىكا مەن بي كومپوزيتسيالارى عانا ەمەس, سونىمەن بىرگە ەكىنشى دۇنيەجۇزىلىك سوعىس تۋرالى سپەكتاكل بارشا قوناقتاردى ءتانتى ەتتى.

شىمكەنت