د.سەرىكباەۆ اتىنداعى شىعىس قازاقستان تەحنيكالىق ۋنيۆەرسيتەتى قابىرعاسىندا قۇرىلعان لۋ بان شەبەرحاناسى ەلەكتروموبيلدەرگە قىزمەت كورسەتۋ تەحنولوگيالارىمەن تولىق جابدىقتالعان. پرەسس تۋردا گيبريدتى اۆتوموبيلدەر مەن ەلەكتروموبيلدەردى دياگنوستيكالاپ جۇرگەن ستۋدەنتتەردىڭ جۇمىسىن كوردىك. بۇل ورتالىق جەلتوقساندا اشىلعانىمەن, جەتىستىك جوق ەمەس. ستۋدەنتتەر كولىكتەردىڭ تەتىكتەرىن شاشىپ, قايتا جيناۋعا, ونى تەكسەرۋدەن وتكىزۋگە داعدىلانىپ ءجۇر. ال مۇعالىمدەر بۇعان دەيىن تيانتسزين ۋنيۆەرسيتەتىندە ءىس-تاجىريبەدەن ءوتىپ كەلگەن.
– بايقاساق, قىتايدىڭ كولىكتەرى كوبەيىپ كەلەدى. ەرتەڭگى كۇنى ولارعا قىزمەت كورسەتۋ ءۇشىن كادرلاردى بۇگىن دايارلاۋىمىز كەرەك. قازىر ستۋدەنتتەردى ۇيرەتىپ جاتىرمىز. نەگىزگى باعىت – دياگنوستيكالاۋ جانە قىزمەت كورسەتۋ. جازعا قاراي ەلەكتروموبيلدەرگە تولىقتاي دياگنوستيكا جاساي الامىز, – دەيدى اعا وقىتۋشى دينارا مىرزابەكوۆا.
ارينە, كوپشىلىك ەلەكتروموبيلدەرگە كۇمانمەن قارايدى. اياقاستى ىستەن شىقسا, كىمگە جوندەتەمىز, تەتىكتى قايدان الامىز دەگەن سەكىلدى سان ءتۇرلى ساۋال مازالايدى. ال لۋ بان شەبەرحاناسىنداعى مامانداردىڭ ايتۋىنشا, تەتىكتەر ىستەن شىققانىمەن, قايتا جوندەۋ قيىندىق تۋعىزبايتىن كورىنەدى. سونىمەن قاتار «اككۋمۋلياتور كۇشىمەن جۇرەتىن كولىكتەر ساقىلداعان ايازعا شىداي ما؟» دەگەن سۇراقتى دا قويدىق. بۇل دا – كوپشىلىكتىڭ كوڭىلىندە جۇرگەن ساۋال.
– ەلەكتروموبيلدەردىڭ اككۋمۋلياتورلارىن جىلىتۋ ءۇشىن ارنايى قۇرىلعىلار بار. الايدا قۋات كوبىرەك كەتەدى. جالپى, قازىرگى تاڭدا جەتىلدىرۋ جۇمىستارى ءجۇرىپ جاتىر. بۇل كولىكتەردىڭ ۇلكەن پايداسى اۋانى لاستامايدى. قۋات كوزى عانا قاجەت, – دەيدى پروفەسسور مۇرات مۇزدىباەۆ.
سونىمەن قاتار باق وكىلدەرى «اۆتوموبيلدەردىڭ Smart-تەحنولوگيالارى» زەرتحانالارىنىڭ قىزمەتىمەن دە تانىستى. شقتۋ-دىڭ اكادەميالىق ماسەلەلەر جونىندەگى پرورەكتورى ءاسيا ماشەكەنوۆانىڭ ايتۋىنشا, بيىل وسى سالادا شامامەن 80 تۇلەك جوعارى ءبىلىمدى مامان اتانادى.
– وبلىسىمىزعا جۇمىس ساپارىمەن كەلگەن پرەزيدەنت قاسىم-جومارت توقاەۆ لۋ بان شەبەرحاناسىن ەلىمىزدىڭ وزگە وڭىرلەرىندە دە اشۋ كەرەگىن ايتتى. شەبەرحانانىڭ الدىنا قويعان مىندەتتەرىن كەزەڭ-كەزەڭمەن جۇزەگە اسىرۋ ءۇشىن شقتۋ-دىڭ 15 وقىتۋشىسى بىلتىر قىتايعا بارىپ, بىلىكتىلىگىن ارتتىرىپ كەلدى. وقىتۋشىلارىمىز بيىل تاعى دا بارىپ, تاجىريبە جيناقتايدى. الداعى ۋاقىتتا ۋنيۆەرسيتەت بازاسىندا جاساندى ينتەللەكتىگە باعىتتالعان «لۋ بان-2» شەبەرحاناسىن اشۋدى جوسپارلاپ وتىرمىز, – دەدى ءاسيا ماشەكەنوۆا.
ال شقتۋ اكادەميالىق قىزمەت دەپارتامەنتىنىڭ ديرەكتورى سامات بايگەرەەۆتىڭ شەبەرحانا بازاسىندا وتاندىق اۆتوموبيل قۇراستىرۋ ونەركاسىبى ءۇشىن جوعارى بىلىكتى تەحنيكالىق جانە ينجەنەرلىك ماماندار دايارلانىپ جاتقانىن ايتادى.
– قازىردىڭ وزىندە «كولىك, كولىك تەحنيكاسى جانە تەحنولوگيالار», «جول قوزعالىسىن ۇيىمداستىرۋ» ءبىلىم بەرۋ باعدارلامالارى بويىنشا 400 ستۋدەنت ءبىلىم الىپ جاتىر. لۋ بان شەبەرحاناسىندا ءبىلىم الىپ, بىلىكتىلىكتەرىن جەتىلدىرگەن تۇلەكتەر كولىك قۇراستىرۋ زاۋىتتارىندا, اۆتوموبيلدەردى ساتۋ جانە سەرۆيستىك قىزمەت كورسەتۋ جونىندەگى ديللەرلىك ورتالىقتاردا, ونەركاسىپتىك كاسىپورىنداردىڭ كولىك تسەحتارىندا قىزمەت ەتە الادى, – دەيدى سامات بايگەرەەۆ.
ايتا كەتەرلىگى, «استانا موتورس» كومپانياسى الداعى جىلدىڭ باسىندا كولىك زاۋىتىن اشۋدى جوسپارلاپ وتىر. ول جاقتا دا ماماندارعا دەگەن سۇرانىس جوعارى بولادى. جالپى, تەحنيكالىق ۋنيۆەرسيتەت تۇلەكتەرىنىڭ جۇمىسپەن قامتىلۋى 96 پايىز. مۇندا وقىعان قاي سالا تۇلەكتەرى بولسىن, سۇرانىسقا يە.
وسكەمەن
