فوتو: massaget.kz
كولىكتى جالعان تەحنيكالىق تەكسەرۋدەن وتكىزۋدىڭ سالدارى ادام ولىمىنە اكەلەتىن جول-كولىك وقيعاسىنا ۇلاسۋى مۇمكىن.
مامانداردىڭ ايتۋىنشا, سالىناتىن ايىپپۇل كولەمى جاسالعان قۇقىق بۇزۋشىلىقتارعا پروپورتسيونالدى بولۋى ءتيىس جانە ونىڭ مولشەرى جالعان تەحنيكالىق تەكسەرىس ارەكەتىن كەلەسى رەتتە قايتالاماۋعا اسەر ەتۋ كەرەك.
قۇقىق بۇزۋشىلىق اكىمشىلىك جازا قولدانىلعاننان كەيىن ءبىر جىلدىڭ ىشىندە قايتا جاسالسا, تەحنيكالىق تەكسەرۋدەن وتكىزەتىن وپەراتور قىزمەت كورسەتۋ قۇقىعىنان 3 جىلعا دەيىنگى مەرزىمگە ايىرىلادى.
سونداي-اق اتالعان زاڭ جوباسى شەڭبەرىندە اۆتوكولىكتى تەحنيكالىق تەكسەرۋدەن وتكىزەتىن وپەراتورلاردىڭ قىزمەتىنە قويىلاتىن تالاپتار دا كۇشەيەدى.
«جوعارى اتالعان وزگەرتۋلەر مەن تولىقتىرۋلاردى ەنگىزۋ اۆتوكولىك قۇرالدارىن مىندەتتى تەحنيكالىق بايقاۋدان وتكىزۋ ساپاسىن جاقسارتۋعا جانە جوسىقسىز تەحنيكالىق قاراپ تەكسەرۋ وپەراتورلارىنىڭ سانىن 2 ەسەگە قىسقارتۋعا مۇمكىندىك بەرەدى. بۇگىنگى تاڭدا نارىقتا 950-قا جۋىق وپەراتور كولىكتى تەحنيكالىق تەكسەرۋدەن وتكىزۋ بويىنشا قىزمەت كورسەتەدى», دەلىنگەن كولىك مينيسترلىگىنىڭ حابارلاماسىندا.
