فوتو: جوعارعى سوت
جشس, ياعني جالعا الۋشى تاراپ اق-نىڭ جوسپارلى جوندەۋ جۇمىستارىن جۇرگىزۋ مىندەتىن بۇزۋىنا بايلانىستى ۋكراينا اۋماعىندا ورنالاسقان 100 ۆاگونعا قاتىستى بولىگىندەگى شارتتى بۇزۋ تۋرالى تالاپپەن سوتقا جۇگىنگەن.
ء«بىرىنشى ساتىداعى سوت شارت تالاپتارىنان ەلەۋلى بۇزۋشىلىقتاردى تاپپاي, تالاپ قويۋدى قاناعاتتاندىرۋدان باس تارتقان. اپەللياتسيا داۋدى تالاپ قويۋشىنىڭ پايداسىنا شەشكەن, ويتكەنى جاۋاپكەر نىسانالى ماقساتى بويىنشا پايدالانۋعا بولمايتىن ۆاگوندارعا جوندەۋ جۇمىستارىن جۇرگىزبەگەن, بۇل شارتتىڭ تالاپتارىنا سايكەس شارتتى بىرجاقتى بۇزۋعا نەگىز بولىپ تابىلادى», دەلىنگەن جوعارعى سوت حابارلاماسىندا.
قازىرگى ۋاقىتتا استانا قالالىق سوتى اتالعان تاراپتاردىڭ اراسىنداعى 239 ۆاگوندى قايتارۋ مىندەتتەمەسىنە, سونداي-اق شارتتى وزگەرتۋگە جانە ونى ءىشىنارا بۇزۋعا قاتىستى ەكى ءىستى قاراپ جاتىر.
وسى شاعىمدى قاراۋ بارىسىندا جوعارعى سوتتىڭ ازاماتتىق ىستەر جونىندەگى سوت القاسى تاراپتارعا تاتۋلاسۋ قۇقىقتارىن, سونداي-اق داۋدى مەدياتسيا تارتىبىمەن رەتتەۋ تۋرالى كەلىسىم جاساسۋ ءتارتىبىن, سالدارىن جانە ارتىقشىلىقتارىن ءتۇسىندىرۋى ناتيجەسىندە داۋلاسۋشىلار ورتاق مامىلەگە كەلگەن.
«كەلىسسوزدەر ناتيجەسىندە تاراپتار سوت تالقىلاۋىنىڭ نىساناسى بولعان بارلىق كەلىسپەۋشىلىكتەر بويىنشا كەلىسىمگە كەلىپ, داۋدى مەدياتسيالىق كەلىسىم جاساۋ ارقىلى شەشۋ تۋرالى كاسساتسياعا بىرلەسكەن ءوتىنىشحات بەردى. جوعارعى سوت داۋلاسۋشى تاراپتار قول قويعان مەدياتسيا كەلىسىمىن بەكىتتى, وعان سايكەس تاراپتار بەلگىلەنگەن تارتىپتە جانە بەلگىلەنگەن مەرزىمدە ءوز مىندەتتەرىن ەرىكتى تۇردە ورىنداۋعا كەلىستى. ورىنداماعان جاعدايدا – ماجبۇرلەپ ورىنداۋعا بەرەدى. ءىس بويىنشا ءىس جۇرگىزۋ توقتاتىلدى», دەپ حابارلادى جوعارعى سوت.
وسىلايشا, تاتۋلاسۋ سوت تالقىلاۋىنىڭ ۇزاققا سوزىلۋىن بولدىرمادى جانە ارتىق شىعىنداردىڭ جۇمسالۋىنا جول بەرمەدى. سوت مەملەكەتتىك باجدى تالاپ قويۋشىعا بيۋدجەتتەن قايتارۋعا مۇمكىندىك بەردى جانە ىسكەرلىك, سەرىكتەستىك قاتىناستى ساقتاپ قالدى.
