ومىرتقاسى اۋىراتىن ناۋقاستاردىڭ ازابىن ازايتاتىن گادجەت تۋرالى مالىمەت بەرگەن اۋرۋحانا نەيروحيرۋرگيا بولىمشەسىنىڭ مەڭگەرۋشىسى مارات الماتوۆ مۇنداي زاماناۋي نەيروستيمۋلياتورلار ەلىمىزدە بۇرىن-سوڭدى قولدانىلماعانىن ايتادى. جۇيە Vanta SureScan MRI Medtronic دەپ اتالادى.
– ستيمۋلياتورلار – ومىرتقاسى سوزىلمالى دەرتكە دۋشار بولعان پاتسيەنتتەر ءۇشىن تاپتىرماس قۇرىلعى. وپەراتسيادان كەيىن ولار اۋرۋىن ۇمىتىپ, بىردەن بۇرىنعى قالىپتى ومىرگە ورالادى. Vanta SureScan MRI Medtronic – ەڭ سوڭعى ۇلگىدەگى, جەتىلدىرىلگەن, اقىلدى جۇيە. ءبىز بۇرىن ورناتىپ جۇرگەن قۇرىلعى ۋاقىت وتە كەلە اۋىرسىنۋدى باسۋ قابىلەتىنەن ايىرىلىپ قالاتىن. ونىڭ ۇستىنە بۇل ستيمۋلياتور پاتسيەنتكە اۆتوماتتى تۇردە رەتتەپ, دەنەنى كەز كەلگەن قالىپتا ۇستاۋعا مۇمكىندىك بەرەدى. بۇعان دەيىن ەمدەلۋشىلەر دەنە قالپىن وزگەرتكەندە اۋىرسىنۋدى سەزىنەتىن, – دەيدى دارىگەر.
ەكىنىڭ ءبىرى قولى جەتە بەرمەيتىن مۇنداي قۇرىلعىنىڭ ءىس جۇزىندە سىناپ كورۋ باقىتى كوپ جىلدان بەرى ومىرتقانىڭ دەگەنەراتيۆتى اۋرۋىنا شالدىققان, شالعايدان كەلگەن ەكى تۇرعىنعا بۇيىرعان. ەمدەلۋشىنىڭ ەكەۋىندە دە Failed Back Surgery Syndrome – FBSS-پەن بايلانىستى سوزىلمالى نەيروپاتيالىق اۋىرسىنۋ پايدا بولىپ, ناۋقاس جانداردىڭ قوزعالۋى قيىنعا سوققان. ەكەۋىنە دە ايماقتا بۇعان دەيىن ءتورت رەت ءساتسىز وپەراتسيا جاسالعان ەكەن.
– وپەراتسيا 2 ساعاتقا سوزىلدى. ءبىز نەيروستيمۋلياتورلاردى شاعىن تىلىك ارقىلى ءدال ج ۇلىننىڭ ۇستىنە ورناتتىق. پاتسيەنت ويانعاننان كەيىن بىردەن جۇيەنى ىسكە قوستىق. ەمدەلۋشىلەرگە ارنايى قوسىمشا ورناتىلعان سمارتفون بەرىلەدى. ول ارقىلى قۇرىلعىنى قاجەت كەزدە رەتتەپ, قوسىپ نەمەسە وشىرۋگە بولادى, – دەيدى م.الماتوۆ.
جاڭا جۇيەدە «گيروسكوپ» فۋنكتسياسى بار, باعدارلاما سوعان تىگىلگەن جانە ونى سمارتفوننىڭ نە پلانشەتتىڭ كومەگىمەن باسقارۋعا بولادى. وندا ومىرتقانىڭ كەز كەلگەن قالپىن باعدارلاۋعا بولادى. گيروسكوپ بۇل جۇيەدە ومىرتقانىڭ كەز كەلگەن قالپىن اۆتوماتتى تۇردە تانيدى. جۇيەنىڭ تاعى ءبىر ارتىقشىلىعى – ستيمۋلياتور ناۋقاستا ءومىرىنىڭ سوڭىنا دەيىن قالادى. پاتسيەنت وپەراتسيادان كەيىن قالىپتى ءومىر سۇرۋگە مۇمكىندىك الادى.
ماماندارىمىز وزىق مەديتسينالىق قۇرىلعىنى اعزاعا ورناتۋدى الەمنىڭ مىقتى نەيروحيرۋرگتەرىنىڭ ءبىرى ۆلاديمير الەكسەەۆەتستىڭ شەبەرلىك ءدارىسى كەزىندە ۇيرەنگەن. ۆلاديمير الەكسەەۆەتس – مينسك قالاسىنداعى بەلارۋس ۇلتتىق نەيروحيرۋرگيا ورتالىعىنىڭ عىلىمي جەتەكشى مامانى.
الماتى
