قوناقتاردى اسكەري نۇسقاۋشىلار مەن ءبولىم تاربيەشىلەرى قارسى الدى. بولاشاق وتان قورعاۋشىلار ءبولىمنىڭ اسكەري قىزمەتشىلەرىنىڭ ءومىرى مەن قانداي قىزمەت اتقاراتىنىن ءوز كوزدەرىمەن كورىپ, قارۋ-جاراق, اسكەري تەحنيكا مەن جەكە قورعانىس قۇرالدارى ۇلگىلەرىمەن قىزىعۋشىلىقپەن تانىستى.
مامانداردىڭ قولداۋىمەن بالالار كالاشنيكوۆ اۆتوماتىن بولشەكتەۋگە جانە قۇراستىرۋعا ماشىقتانۋعا, قويان-قولتىق ۇرىسىنىڭ تاسىلدەرىن كورۋگە جانە قايتالاۋعا مۇمكىندىك الدى, سونداي-اق جالپى اسكەري قورعانىس كوستيۋمىن كيىپ, راديوحيميالىق قورعانىستىڭ نەگىزدەرىمەن تانىستى.
اسكەردە, تاۋەلسىزدىك جىلدارىندا قانداي وزگەرىستەر بولعاندىعى جانە ءبولىمنىڭ تاريحى تۋرالى ءبولىم كومانديرى پولكوۆنيك امىرقوجا ايتقوجين وقۋشىلارعا اڭگىمەلەپ, جاستاردى قىزىقتىرعان سۇراقتارعا جاۋاپ بەردى.
ء«سىز ءوزىڭىزدىڭ اتالارىڭىز بەن ارعى بابالىرىڭىزعا لايىق بولۋىڭىز كەرەك, جانە ارقايسىلارىڭىز ءوز ءومىر جولىڭىزدى تاڭداۋ تۋرالى شەشىم قابىلداۋىڭىز كەرەك. وزىڭىزبەن جۇمىس جاساڭىز, بارلىق باعىتتا ءوزىڭىزدى جەتىلدىرىڭىز, اقىل-ويىڭىز بەن دەنەڭىزدى جاتتىقتىرىڭىز, سودان كەيىن ءسىز ءوز ەلىڭىزگە پايدا اكەلە الاسىز. اسكەري قىزمەت ءار ەر ادامنىڭ قاسيەتتى پارىزى مەن مىندەتى ەكەنىن ۇمىتپاڭىز», دەپ اتاپ ءوتتى امىرقوجا ايتقوجين.
كوپتەگەن ۇلدار اسكەري قىزمەتتىڭ قانشالىقتى قيىن ەكەنىنە كوز جەتكىزگەنىمەن, ءالى دە جاۋىنگەرلەر قاتارىنا قالاي ەنۋگە بولادى, اسكەري ءىستى قانداي وقۋ ورىندارىندا ۇيرەتەدى دەگەن سۇراقتارىن قويدى.
اسكەريلەر مەن مەكتەپ وقۋشىلارىنىڭ كەزدەسۋى جۇيەلى اسكەري-پاتريوتتىق جۇمىس جانە اسكەرگە شاقىرىلۋعا دەيىنگى جاستاردى كاسىبي باعدارلاۋ شەڭبەرىندە وتكەنىن اتاپ وتەيىك, وعان ءبولىم باسشىلىعى ايتارلىقتاي كوڭىل بولەدى.
