فوتو: Astana TV
لوندون پوليتسياسىنىڭ باسشىسى ستيۋارت بەلل اتالعان قالانىڭ حاينوت اۋدانىندا بولعان وقيعا سالدارىنان 13 جاستاعى بالا كوز جۇمىپ, تاعى ءتورت ادام جاراقات العانىن حابارلاعان. كەيىن پوليتسيا جان تاپسىرعان بالانىڭ 13-تە ەمەس, 14 جاستا ەكەنىن انىقتادى. زارداپ شەككەندەر دەرەۋ اۋرۋحاناعا جەتكىزىلدى. ستيۋارت بەللدىڭ ايتۋىنشا, ولاردىڭ ومىرىنە قاۋىپ ءتونىپ تۇرعان جوق.
36 جاستاعى شابۋىلداۋشىنى تۇتقىنداعان پوليتسيا اتالعان شابۋىلدى تەررورلىق ارەكەت دەپ ەسەپتەمەيتىنىن مالىمدەدى.
لوندون پوليتسياسى كوميسسارىنىڭ ورىنباسارى لۋيزا رولف شابۋىلداۋشى اۋرۋحانادا جاتقانىن, ونىڭ رەسمي تۇردە تۇتقىندالعانىن, بىراق ونىڭ جاعدايىنا بايلانىستى ءالى جاۋاپ الىنباعانىن ايتقان. ايتا كەتەيىك, پوليتسەيلەر قىلمىسكەردى قولعا ءتۇسىرۋ ءۇشىن ديستانتسيالىق ەلەكتروشوكەر قۇرىلعىسىن قولدانۋعا ءماجبۇر بولعان.
«ونىڭ قولىندا ۇلكەن سامۋراي سەمسەرى بولدى. بارلىعىن بولمە تەرەزەسىنەن كوردىم. سودان كەيىن ول ءبىر-ەكى ءۇيدىڭ اراسىنا كىرىپ كەتتى, مەن دالاعا جۇگىرىپ شىقتىم. پوليتسەيلەر ونى ەلەكتروشوكەرمەن ۇرعانىن بايقادىم», دەدى جەرگىلىكتى تۇرعىن كريس بەيتس BBC راديوسىنا بەرگەن سۇحباتىندا.
