فوتو: the-steppe.com
كليمات وزگەرىسى - جاھاندىق شۇعىل ماسەلە. سوڭعى ۋاقىتتا بۇل تاقىرىپ قازاقستاندا دا جان-جاقتى تالقىلانىپ كەلەدى, ماقساتتى ءىس-شارالار ۇيىمداستىرىلىپ, ماڭىزدى كەلىسىمدەرگە قول جەتكىزىلەدى.
وسى تۇستا National Geographic Qazaqstan وكىلى قانات اباشوۆ Big Data دەرەكتەرىن پايدالانىپ, تابيعات كاتاكليزمدەرى مەن ولاردىڭ سالدارلارىن قالاي تالداۋعا, بولجاۋعا بولاتىنىن كورنەكى مىسالدارمەن بايانداپ, قاجەتتى رەسۋرستاردى نازارعا ۇسىندى.
ال ءىس-شارانىڭ ارنايى قوناعى بولعان ساياحاتشى-بلوگەر داستان مۇحامەدراحىم ساياحاتتاۋ جانە درونمەن ۆيدەو ءتۇسىرۋ تاجىريبەسىن ءبولىسىپ, ۆيدەو-بلوگەرلىك قازاقستاننىڭ ىشكى تۋريزمىنە قالاي ىقپال ەتەتىنى تۋرالى ويلارىن ورتاعا سالدى.
كوپشىلىك كليمات وزگەرىسى بىزدەن الىستا ءجۇرىپ جاتىر جانە ونىڭ بىزگە اسەرى جوق دەپ پايىمدايدى. الايدا بۇل ۇدەرىس بىزگە دە جەتتى. ونىڭ اسەرى مەن زاردابىن ءبىزدىڭ ەل دە تارتا باستادى. بۇعان سوڭعى 2-3 جىل كولەمىندەگى قۋاڭشىلىقتار مەن سۋ تاسقىندارى ايعاق.
عالىمداردىڭ بولجاۋىنشا, الداعى جىلدارى قۋاڭشىلىق, سۋ تاپشىلىعى ۇلعايىپ, داۋىل بولمايتىن ايماقتاردا اپاتتى داۋىلدار جيىلەي بەرمەك. سوندىقتان, «شەۆرون» كومپانياسىنىڭ قولداۋىمەن وتكەن وسىنداي سەمينار كليماتتىڭ وزگەرۋ پروبلەماسىن شەشۋگە, حالىقتىڭ جالپى حاباردارلىعىن ارتتىرۋعا, سول ارقىلى ىقتيمال قاۋىپ-قاتەردىڭ الدىن الۋ ىسىنە ءوز پايداسىن تيگىزەتىنى اقيقات. الداعى كليماتتىق وزگەرىستەرگە اتالعان ونلاين پلاتفورمالار ارقىلى كەز كەلگەن ەل الدىن الا جوسپار قۇرىپ دايىندالا الادى. جاڭا قۇرالدار مەن تەحنولوگيالار تابيعي قيىندىقتارمەن ءتيىمدى كۇرەسۋگە مۇمكىندىك بەرەرى انىق.
