وڭىرلىك پد مالىمەتىنشە, 23 ساۋىردە كوكسۋ اۋدانىنىڭ پوليتسيا بولىمىنە ۇلىنىڭ جوعالعانى تۋرالى ارىزبەن ەڭبەكشىقازاق اۋىلىنىڭ تۇرعىنى جۇگىندى. ونىڭ ايتۋىنشا, 29 جاستاعى جىگىت مال جايۋعا شىعىپ, ورالماعان. جوعالعان ادامدى ىزدەۋگە اۋداندىق پوليتسيانىڭ بارلىق جەكە قۇرامى, جەرگىلىكتى تۇرعىندار مەن ەرىكتىلەر باعىتتالدى.
«سول كۇنى جوعالعان جىگىتتىڭ جىلقىسى ەسكەلدى اۋدانىنىڭ جاڭالىق اۋىلىندا تابىلدى. كورشى اۋىلداردى كوكسۋ وزەنى ءبولىپ تۇرعانى ەسكەرىلىپ, ىزدەۋگە وبلىس قۇتقارۋشىلارى قوسىلدى. 27 ساۋىردە ىزدەۋ ءىس-شارالارىنىڭ بارىسىندا جوعالعان ادامنىڭ زورلىق-زومبىلىق بەلگىلەرىنسىز ءمايىتى كوكسۋ وزەنىنىڭ تۇبىندە تابىلدى. قازىرگى ۋاقىتتا قاجەتتى ساراپتامالار تاعايىندالدى», دەدى پد باستىعىنىڭ ورىنباسارى ەلدار ابديكەنوۆ.
ءوڭىر پوليتسياسى اۋىل تۇرعىندارىنا مۇمكىندىگىنشە ساق جانە سەرگەك بولۋدى سۇرايدى. سۋ تاسقىنى كەزەڭىندە سۋ وبەكتىلەرىندەگى سۋ كولەمىنىڭ ۇلعايۋى بايقالاتىنىن جانە ولارداعى اعىننىڭ جىلدامدىعى قاتتى بولۋى مۇمكىن ەكەنىن دە ەسكە سالادى.
