قازىردە وبلىس كولەمىندە كوگالداندىرۋ جۇمىسى قارقىن الىپ كەلەدى. جالپى, بيىلعى جىلدىڭ وزىندە 123 مىڭعا جۋىق كوشەت وتىرعىزۋ جوسپارلانعان.
بۇگىن وسكەمەندە «قازاقستان» تاۋىنىڭ ەتەگىندە سەنبىلىك ءوتىپ, كوشەتتەر وتىرعىزىلدى. شاراعا قالا قوناقتارى, ەرىكتىلەر جانە مەملەكەتتىك ورگان وكىلدەرى مەن جەكە كاسىپورىن ۇجىمدارى دا قاتىستى.
«وتانعا, ەلىنە دەگەن ماحاببات تازالىقتان جانە ەڭبەكقورلىقتان باستالۋى قاجەت. سوندىقتان,بۇگىنگى بىرەگەي شارا جاستار اراسىندا داستۇرگە اينالىپ قانا قويماي, وسكەلەڭ ۇرپاققا جاقسى ۇلگى بولادى دەگەن سەنىمدەمىن», دەدى وبلىس اكىمى ەرمەك كوشەرباەۆ.
شىعىسقازاقستاندىقتار «تازا قازاقستان» اكتسياسىنا قاتىسۋدا بەلسەندىلىك تانىتتى. اكتسيانىڭ ءبىرىنشى اپتالىعى «تازا ولكە» اياسىندا 21,4 مىڭ اۋلا تازالانىپ, 6 مىڭ توننادان استام قوقىس شىعارىلدى.
«كيەلى مەكەن» اپتالىعىندا 161 قوعامدىق ورىن, سكۆەر جانە 136 ەسكەرتكىش تازالاندى. ال «ونەگەلى ۇرپاق» اپتاسىندا وبلىستاعى ارداگەرلەر مەن قارتتاردىڭ اۋلاسى تازالانىپ, سەنبىلىكتەر ءوتتى. ەندىگى كەزەكتە ء«مولدىر بۇلاق» اپتالىعىندا ارىقتار مەن بۇلاق كوزدەرى تازالاۋدان وتپەك.
