34 جاستاعى ازامات ەندى الداعى ءۇش جارىم جىلىن تەمىر توردا وتكىزەدى.
جەرگىلىكتى تۇرعىن ەكى جىل بويى جولسەرىكتەردى قورقىتىپ-ۇركىتىپ, ءوزىنىڭ قالتاسىن قامپايتىپ وتىرعان. سەمەي ارقىلى قاتىنايتىن جولاۋشىلار پويىزىنا ءمىنىپ, قىزمەتكەرلەردى ماسقارالايتىن بەينەماتەريالداردى تۇسىرۋمەن اينالىسىپتى. كەيىن ءوزىن «بلوگەر» جانە «قوعام قايراتكەرى» رەتىندە تانىستىرىپ, «الەۋمەتتىك جەلىگە جاريالايمىن» دەپ قورقىتقان. وسىدان ۇرەيى ۇشقاندار بەينەماتەريالداردى جويۋ ءۇشىن اقشا بەرۋگە ءماجبۇر بولعان.
بوپسالاۋشى بلوگەر ەكى جىلدا ون ميلليون تەڭگەدەن استام اقشا العانى انىقتالدى. ونىڭ جىمىسقى ارەكەتىنەن 25 جولسەرىك زارداپ شەككەن. كىناسى تولىق دالەلدەنگەن بلوگەر ەندى ءۇش جارىم جىل تۇرمەدە وتىرىپ, جابىرلەنۋشىلەردىڭ شىعىنىن تولىق وتەۋگە مىندەتتەلدى.
- قر قك 58-بابى 3-بولىگى بويىنشا جەڭىل جازا اۋىر جازاعا ءسىڭىرىپ, ءۇش جىل التى اي باس بوستاندىعىنان ايىرۋ جازاسى تاعايىندالسىن. جازا قىلمىستىق اتقارۋ جۇيەسىنىڭ ورتا, ورتاشا قاۋىپسىزدىك مەكەمەسىندە وتەلسىن. جازا مەرزىمى ۇكىم زاڭدى كۇشىنە ەنگەننەن كەيىن ەسەپتەلسىن, - دەدى سەمەي قالاسىنىڭ №2 سوتىنىڭ سۋدياسى ەرجان اۋباكىروۆ.
