فوتو: Polisia.kz
Polisia.kz مالىمەتىنشە, 16 ساۋىردە استانا قالاسىنىڭ تۇرعىنى قوسشى قالاسىنىڭ پوليتسيا بولىمىنە الاياقتىق فاكتىسى بويىنشا ارىزدانعان. شاعىمدانۋشىنىڭ ايتۋىنشا, بيىل ناۋرىز ايىندا WhatsApp مەسسەندجەرىنىڭ چاتىندا بەيتانىس ايەل باعالى ىدىس پەن جيھازدى تومەن باعادا ساتۋدى سىلتاۋراتىپ, ونىڭ 400 مىڭ تەڭگەسىن يەمدەنىپ كەتكەن.
كۇدىكتى جەدەل-ىزدەستىرۋ شارالارىنىڭ بارىسىندا انىقتالدى. ول قر قك-ءنىڭ 190-بابى 2-بولىگى (الاياقتىق) بويىنشا بۇرىن جاۋاپكەرشىلىككە تارتىلعان استانا قالاسىنىڭ تۇرعىنى بولىپ شىقتى.
«پوليتسيا ءبولىمى اتالعان فاكتى بويىنشا سوتقا دەيىنگى تەرگەۋ امالدارىن باستادى. الاياقتان زارداپ شەككەن تاعى 32 ادام پوليتسياعا جۇگىندى. زالالدىڭ جالپى سوماسى 62 ملن تەڭگەنى قۇرادى», دەلىنگەن حابارلامادا.
